أنا شاب لكن عمري ألف عام
أنا شاب لكن عمري ألف عام | |
وحيد لكن بين ضلوعي زحام | |
خايف و لكن خوفي مني أنا | |
أخرس و لكن قلبي مليان كلام | |
عجبي !!!! |
يأسك و صبرك بين إيديك و انت حر
يأسك و صبرك بين إيديك و انت حر | |
تيأس ما تيأس الحياه راح تــــــــمر | |
أنا دقت مندا ومندا عجبي لقيــــــت | |
الصبر مر و برضك اليـأس مـــــــر | |
عجبي !! |
هناك ١٨ تعليقًا:
الله يرحمه الراجل ده
كان عبقري فعلا في استخراج المعاني والألفاظ
تسلم ايدك يا سهر
هاى سحر
اية اخبارك
ميرسى اوى على زيارتك الذيذة دى للمدونة لانها سمحتلى انى اعرف مدونتك
مدونتك راقية جدا
اما البوست يجنن والكلام فية معبر اوى
الراجل دة فعلا كان اسطورة اللة يرحمة
دومتى بالف خير
نوراى
جميلة ...
.......................
بعد السلام عليكم
أزييييييييييييك ياسهر
عاملة أيه ياستى ؟
والله مش عارف أقولك أيه ولا أيه على سؤالك المتكرر دا عنى
اديني رجعت ياستى
وماكنش تقل والله وأنتى بقى هتعرفى ظروفى من البوست اللى لسه كاتبه
المهم أنتى أيه اخبارك وايه اخبار سندوتشات المربى بالقشطة اللى زمانها حمضت دى
وماقولتليش صحيح أنتى عملتى أيه فى مسابقة بص وطل ؟؟
يارب يكون خير أن شاء الله
وبخصوص البوست
فأختياراتك جميلة ياسهر وموفقة
تحياتى
السلام عليكم
ازايك يا سهر انا هطلع جدع انا بقي المره دي واسيب تعليق
انا عارف اني كنت قليل الاصل معاكي الفتره اللي فاتت بس متعوضه ان شاء الله
الكلام اللي في البوست ده جميل جدا وانا لاحظت بعض تعليقات الناس اللي بتزور المدونه وشد انتباهي في تعليقاتهم لما قالوا دا كان راجل جميل الله يرحمه
انا بصراحه اول ما قرأتها كنت مفكر ان انتي اللي كاتباه :d بس لما شوفت التعليقات عرفت ان هيا بتاعة شخصيه من اصحاب الفن والابداع
وانا نفسي اعرف اسمه ايه عشان بصراحه انا معرفش مين صاحب الابيات دي فيا ريت في الرد تقوليلي علي اسمه وخليكي انتي اجدع مني :)
وربنا يوفقك والمدونه تلعلع كده وتشتهر كمان وكمان :d
Salaaaaaaaaaaam
الكلام رقيق جدا جدا واللى كاتباه ارق منه وعلى فكره صلاح جاهين من الشعراء اللى دايما ينه واشعاره لانه مفيش منه اتنين
ازيك يا سهر؟؟
مفأجه مش كده؟!!
والله واحشاني
وايه الكلام العميق ده
بس الصبر طبعا أحسن من اليأس
وآل على رأي المثل:
ايه اللي رماك على المر قلت اللي امر منه؟؟
تحياتي
مش عارفة فين اوصل لك
وحشنى لما بتقولى لى
ياوجعى
فى انتظارك
مع حبى
كاميليا
اول مرة ادخل بصراحة هنا
ومش عارف بجد انا جيت ازاى
ولما دخلت على البروفيل بتاعك تهت السبع توهات
المهم
عجبنى
ايه يا بنتي فينك
طمنينا عليكي
وحشانا والله
ايه يا سهر
من بعد امتحاناتك
و انتي بقيتي كسوله قوي
عايزة جديدك بقا
صحصح بقا
زيزي
الله يرحم صلاح جاهين
كتاباته نابعة من حياة الناس البسطاء
بعد السلام
اخبارك ايه
واخبار النتيجه؟؟
ابقى طمنينا عليكى
سلام
ازيك يا سهورة
حلو كلام جاهين الله يرحمه
أنا شاب لكن عمري ألف عام
وحيد لكن بين ضلوعي زحام
خايف و لكن خوفي مني أنا
أخرس و لكن قلبي مليان كلام
وااااه يا قلبى ...........
عزيزتى
طبعا جاهين انسان جميل
ورباعياته مليان معانى جميلة جداااا
يا ريت المعانى ده تأثر فى ناس
وتغير فيهم
تحياتى
سلام
بعد السلام عليكم
ايه ياسهر ؟
انتي فيييييييييييييين يابنتي ؟؟؟
ياريت تطمنيني عليكي
تحياتي
أنا جاي عشان اطالب بحقي في سندوتش المربي بالقشطة
وبعدين يابنتي فهميني
احنا هنتواصل معاكي ازاي بعض كده ومدوناتك كلها مقفولة ؟؟؟
وحتي دي مش بتكتبي فيها وزمان الشاب اللي عنده الف عام دا بقي عنده الفين وانت لسه ماكتبتيش
إرسال تعليق