فاصل ونواصل

بعتذر لكل الناس على تقصيري معاهم في الفترة اللي فاتت دي بس دا كان والله غصب عني الدراسة بقى والكلية
وبعتذر برده على غيابي الفترة اللي جايه دي بسبب الأمتحانات
الامتحانات من اول يوم الاحد دا ان شاء الله وان شاء الله هاخلص يوم

23/२००८/1

دعواتكم معايا بقى والله الواحد تايه في المناهج وربنا يستر ويعديها على خير
وتحذير هام جدا جدا جدا مش عاوزة حد ينساني

انا راجعه ان شاء الله تاني

راجعه تاني يعني راجعه

ياويله بقى اللي يفكر ينساني

بجد انا بحبكم اوي وبحب عالم التدوين دا جداجدا جدااااااااااااااااااااااا
والسلام مسك الختام

ملكة بلا سلطان

هواك ...
إن صح لة مسمى
فلنقل انة الوهم
وإن صح لة معنى
فلنقل ايضا إنه الوهم
وإن سألت عن الحلم
فلنقل إنة كان مجرد حلم

*****

للصمت لغة لا يتقنها أحد غيرى
وللألم لذة لا تستهوى غير نفسي
وللدمعة سلطان لا تسكن سوى عينى
إنها أنا ...
ملكة وملكى بلا سلطان
أتوج راسي بتيجان بريقها الأحزان
وعرش قلبي صار يتوسدة السجان
لاأملك من زمانى سوى كآسان
أحدهما كآس بحلاوة النسيان
والآخر أتجرعة بمرارة الحرمان
سئمت من تغيير العنوان
وأنا ابحث عن زمن مازال للفرسان
ليحرر أشعاري من جنون الهذيان
وليسكن الأوتار بمزيج من الألحان
سئمت من تقلب الأزمان
لا يعطينى سوى نشوة الأشجان
ويمزق أزهاري فأبكيها فوق الأكفان
لأعود وأختبئ بنفسي خلف الجدران
والثمن دمعتان ...

*****

تذكرنى يوما عندما
تأتيك إمراة تشبهنى
وتسألك عن ماضي يؤلمنى
فأخبرها بأنك مازلت تحفظة وتذكرنى
أخبرها ولو كذب ولا تقتلنى
تذكرنى كلما ...
أردت أن تداوى جروحك
ولم تجد من يفديك بروحة
فأتنى فمازلت أنتظر قدومك
وأمتص من نزيف قلبي ما يكفيك
فمازال ليفديك بجروحة
تذكرنى كلما ...
جاءك رقم غريب يدق أبوابك
فتصمت الكلمات أمام جراحك
وتكتفي سماع صوتك وأنفاسك
وتنهى المكالمة أمام آهاتك
وأنت تجهل أو تنكر
آياً ... فكلاهما الألم
فتذكرنى دوماً كلما
أتاك ليلك بالجراح
وسلب منك بسمة الصباح
وسكنك الحزن ولا سبيل للأفراح
حينها فقط تذكرنى
وأخيراً ...
قد تخدعنى أحلامى
قد تصدقنى أوهامى
قد تهوانى ألحانى
قد تمقتنى أشعاري
قد تسكننى أحزاني
قد تنسانى أفراحى
هذة هى حياتى
صارت تحيانى
ولا أحياها
أرسمها بسمة
فتنزفنى دمعة

جرح ذو حدين

جرح حررني من جرحي

جرح هزم نبض قلبي

جرح مزق أزهاري

جرح أضاع أحلامي

جرح أسقط أمنياتي

اتصير وضيعة لأيامي

ودمعة تنزف في أوراقي

وآه تحرق أعماقي

لأبقى بقايا رماد

تاهت ذراته مع رياح الفساد

فماذا أجنيت أنت وكيف صار الحصاد؟

وماذا عن الحساب وكيف سيتم السداد؟

قد تكون كلماتي

صدى في صمت الحكايات

قد تكون ألحاني

أشعارا تغنى في سما الأهات

قد تكون خطواتي

عبثا في زمن المتاهات

تخطو خطاها ولا تدري المسافات

تضل سعيها في ظل الذكريات

وتمحو رنينها مع دقات الساعات

فلا تسألني شيئا عن الأمسيات

فأنت من تجاهلتها في كذب الأغنيات

وصارت أماني وذكرى أمنيات

صرت أغنيها وأرددها في روايات

لا أدري

هل كنت لي خير نعمة

أم حقا شر نقمة

بفضلك صارت جروحي بارده

وأيامي في الهوى ضائعة

وليالي قضيتها من عمري زائفة

أبكي عليها اليوم بأعين نادمة

ودموع تفر مني بسببك ثائرة

على قلب صارت دقاته أمواج غادرة

على جروح جميع فصولها ممطرة

هل عايشت نفسك وقد صارت عليك قاسية؟

هل قضيت ليلك تنزف حنينا على عهود راحلة؟

هل سئمت يوما من تضميد جروح قاتلة؟

هل فكرت أن تكتب في يوم الحكاية؟

وتضمها بروح عند المخاض لتكون البداية

وتنزفها دما ودمعا حين يخط القلم النهاية

لا تتعجل وتجيب عن التساؤلات

فهناك المزيد من الأستفهامات

ولكن يكفيك بأن تكون الأجابات

بالنسبة لي لا تتعدى نعم

ولكن للأسف بكل ندم

بكل ألم

ملحوظة مش شرط تكون كلماتي دي نتيجه تجربة شخصية عشان تعليقات كتير بتجيلي بتوجه الكلام ليا كصاحبة التجربة دي والمدونه دي عليها رقابة شديدة من البيت عندي فالتعليقات دي بتجيبلي الكلام وهتوديني ان شاء الله في داهيه ... حتى لو كانت نتيجة تجربة شخصية فاستروا عليا والنبي

بصراحه التعليقات دي بتفيدني كتير بس بلاش الكلام يكون متوجه ليا شخصيا

كل سنة وانتوا طيبين

بأي عيد جئت يا عيد

ذكريات

كتير بيشدنا الحنين لأيام طفولتنا لأيام البراءة والعفوية

حاجات كتير أثرت فينا وكانت عامل في تكوين

وشخصيات من غيرها منقدرش نتصور حياتنا لأنها بالنسبة لنا زيها زي الطوابع بالظبط

وذكريات بحلوها ومرها بمكرها وبهبلها مش ممكن ابدا تتمحي من الذاكرة


شخصية من الشخصيات اللي مش ممكن اتصور طفولتي من غيرها أ / يسرا مدرسة العربي والحساب في اولى وتانية وتالتة ابتدائي بحبها اوي والايام دي بشوفها كتير بشوفها كل يوم في المسجد في صلاة التراويح والفجر وبحب اقف جنبها في الصلاة بمجرد اني اسمعها بتتكلم او اشوفها بفتكر 3 سنين من طفولتي وبتمنى بجد اني ارجع تاني

من المواقف اللذيذة اللي افتكرها
كنت في رابعة ابتدائي وواحد زميلنا في الفصل غاب علشان راسه اتفتحت واخد فيها كام غرزة المدرسة علينا طلبت مننا كلنا بنات واولاد اننا نروح نزوره في الفسحه ونطمن عليه
وبالفعل سمعنا الكلام وروحنا
الاولاد دخلوا لصاحبهم
البنات وقفنا برا قصاد باب الشقه ومش عاوزين ندخل ( ومن غير ليه انا معرفش كنا مكسوفين ولا ايه بقى ) المهم مدخلناش
بعد الفسحه
واحنا في الحصة الاولاد راحوا حكوا للمدرسة كل حاجة وان البنات وقفوا برا وعملوا ازعاج جامد وكده
وكان العقاب والتبييخ
ومرة واحده اتلقينا اخ زميل فاضل وقف وقال لا كله الا سهر ... كل البنات وقفوا على الباب ومدخلوش الا سهر
انا بقى لغاية انهارده نفسي أعرف مين اللي زقني وانا واقفة على الباب ودخلني جوه
كل اللي افتكره
انا واقفه في امان الله مع البنات فجأه اتلقيت نفسي جوه الشقه فيه حد من ورايا زقني لجوه جيت اخرج الاولاد وقفوا على الباب ومعرفتش اخرج منهم
بس الحمد لله فلت من التوبيخ والعقاب
والف شكر للأخ الزميل الفاضل اللي انقذني من العقاب

من المواقف برده اللي عمري ما هنساه
كنت راجعة من المدرسة في يوم في امان الله لا ليا ولا عليا وكان ماشي ورايا ولدين اكبر مني بكتير اتخنقوا مع بعض وهما ماشيين

طبعا انا في حالي وماليش دعوى

فجأه اتلقيت واحد منهم بيزقني عشان اوسع له الطريق ( الشارع ضاق في وشه وملقاش غير المكان جنب الحيطة اللي انا ماشية فيه ) د

كان رد فعلي سريع

قلتله : بس ياحمار

قالي : مين الحمار

أنا : اللي على رأسه بطحـ... ة ......

رد فعله كان أسرع

قلم نزل على وشي

بس ماشاء الله كان قلم قلم مكنش عاوز توصية

خدت القلم ومش فاكرة الواد دا عمل ايه بعد كده

المهم

انا روحت بيتنا

والأهم

اني معيطش من القلم

بائع الأوهام

كل سنة وانت طيب ... بائع الأوهام
१/१०/२००७ عيد ميلاد بائع الأوهام
بائع الأوهام بيداوي جرحه بجرح غيره وبيبع الأوهام على إنها أحلام
وبهدي البوست دا ليه



عذرا ... بائع الأوهام
قد جئت إليك بسؤال هام
ظل يؤرقني الليل حتى المنام
قد كانت لي معك بعض الأحلام
نسجتها بيدي معك لأحيا بها الأيام
ولكنك نسيتها فزرعت بها الألام
ألم يراود قلبك شئ من الحنين
ألم يأتيك مع القمر نداء الأنين
يبكي على عمر ضاع في غبار السنين
ألم تسمع صرخة قلبي السجين
خلف قضبان الليل الحزين
يصرخ في صمت ظلم العاشقين


قد قلت لي يوما إنني من الأصدقاء
فما من سبب لمكر أو دهاء
فالأمر لا يستحق العناء
فصدق قلبي النداء
وبادلك الهوى والرجاء
وبنى معك قصور حتى السماء
وزرع بيديك ورود بالصحراء
حقا ... قد كان يحلم بالمحال
فما من قصور أو ورود سوى بالخيال
فصارت القصور رمال من سراب
وعاد قلبي يتوارى في التراب
كما كان قبل أن أنبش ذكرى الأموات
وأبعثه ثانية للحياة
ليتذوق من مرارة الدنيا
ويصدم بغدر الأصدقاء
ويطعن بخنجر الأحباب
أما الورود
فقد كانت صبا عمري
نزعتها لأزرعها في درب غير دربي
حتى جاءت رياح عصفت بها وبعشقي
فضاعت ورودي مع رياح غدرك


حقا ... أخجل من هذا القول
ولكنه حقيقة الأمر
بعدك صارت يتيمة هي الفرحة
قبل أن ترسم على شفتيي بسمة
أجدها تفر من عيني دمعة
كتبت بخداعك البداية
ووقع دمعي النهاية
وقلبي شهيد الرواية

جالي تاج

جالي التاج الجميل دا من
الأخ العزيز أبو صلاح
والجميلة زيزي
ومش عاوزة أقول إن مفيش حد بعتلي معاه صنينة كنافة ولا حتى كوبية مايه ابلعه بيها بس يلا
ما علينا

لو قالولك اختار عصر من عصور مصرعلشان تعيش فيه تختار اى عصر و فى عهد اى حاكم ؟ واشمعنى
طبعا كل عصر فيه مميزاته وعيوبه بس انا اصلا مكنتش بحب مادة التاريخ فانا مش عارفه بالظبط ... بس اختار العصر اللي الرسول ( صلى الله عليه وسلم ) عايش فيه
اشمعنى دي بقى
مش محتاجة لكلام كتير كفاية انك تكون عايش في مكان وزمان الرسول موجود فيهم ولأني مش هاعرف ألم بكل حاجة حلوة كانت موجودة ايام الرسول فأنا هاسكت وهأسيب الإجابة مفتوحة


اول اولويه فى حياتك عيلتك ولا شغلك ولا اصحابك؟
عيلتي طبعا اولا وقبل كل شئ وبعد كده أصحابي وبعدين شغلي

ايه اكتر حاجه بتحبها فى رمضان؟

أخر عشر أيام في رمضان بيبقى فيهم صلاة التهجد وليلة القدر برده ربنا يبلغنا
وحاجة كمان
المحاضرات وقتها بيتخسف بيه الأرض المحاضرة اللي مدتها ساعة بتبقى 35 دقيقة واليوم اللي بخلصه الساعه 6 بخلصه الساعة 3


اوصف ليا اجمل فطار ممكن تفطره
أجمل فطار دا كان زمان ... أيام ما كان جدي وجدتي عايشين كنا بنطلع نفطر معاهم كل يوم كانت لمتنا على الفطار دي أجمل حاجة في رمضان

لو انت حاكم على مجموعه من الافراد هتكون عادل؟؟ طب هتعمل ايه عشان تتأكد انك حاكم عادل؟
أكيد طبعا هأحاول أكون عادل
أعمل إيه عشان أتاكد اني حاكم عادل ... هاعمل زي سيدنا عمر بن الخطاب كنت هانزل بنفسي متخفيه واشوف أحوال الرعية وكنت هتواصل برده مع الرعية وأشوف
وطبعا قبل ما هأعمل أي حاجة هاستخير ربنا الأول

اللى بيبوظ الحكام ؟ نفسهم ؟ ولا الشعب ؟ ولا الحاشية المقربة؟
في أعتقادي التلاته
نفسهم وبعدين الحاشية المقربة وبعد كده الشعب


مين أكتر اعلامي مصري بتحترمه؟
عمرو خالد
والشيخ محمود المصري ( أبو عمار



قريت ديوان عمر مصطفى صاحب بلوج تجربه " اسباب وجيهه للفرح" عن دار ملامح و لا لسه ؟؟ لو اه ايه رايك فيه؟
لا والله ماقرأتوش

لو ممكن تشتغل شغلانه تانيه غير اللى انت بتشتغلها او كنت بتشتغلها كنت تتمنى تبقى ايه؟
كنت أتمنى اكون دكتورة ... ودكتورة نساء ولاده


ايه تانى بلد تتمنى تعيش فيها بعد مصر؟
أمريكا ... ومحدش يسأل ليه ؟؟؟

اوصف ليا ترتيبات اجمل فرح ممكن تحضره
أهم حاجة طبعا أن الطرفين يكونوا بيحبوا بعض وتكون الناس فرحانين من قلبهم والترتيبات دي بتختلف حسب الأمكانيات بس اهم حاجة انهم يكونوا بيحبوا بعض

بتراعي كلام الناس والقيل والقال؟ لو اه او لو لا قول لى ليه؟
قبل كده ماكنش بيهمني كلام حد كنت بعمل اللي انا عاوزاها ولا يهمني عارفه ان كل واحد ليه دماغه وممكن حاجات كتير انا اعملها مش تعجب ناس معينة فكنت بعمل اللي انا عاوزاه وماليش دعوه بحد
بعد كده بقيت بعمل حساب لكلام الناس بس مش في كله يعني ماهما مش هيمشوني على مزاجهم
ليه بقى بقيت بعمل حساب لكلامهم معرفش انا لقيت اني اعمل حساب لكلامهم أسلم

صحيت من النوم ما لقيتش الموبايل ولا الكمبيوتر ولا الكاميرا الديجيتال ولقيتنا رجعنا لعصر الحمام الزاجل والحصنه هتكون سعيد؟
لا طبعا ... ممكن استغنى عن الموبايل والكاميرا الديجتال لكن الكمبيوتر والنت لا طبعا
انا بقعد اعيط لما النت بيفصل واقعد اتنطط لغاية مايجي


السعاده هى؟
طبعا في رضا ربنا والستر والصحه وراحة البال


عندك أمل ؟؟ أسبابك ؟
لازم يكون عندي حتى لو ماعنديش هاتلكك بأي حاجة
عشان أقدر أعيش بكرة


لما تحب تهرب من كل شئ بتروح فين؟
بروح أوضتي أنام


امتى أول مره خدت فيها نفس طويل كده وقلت بينك وبين نفسك يااااه الظاهر انا فعلا كبرت؟
من كام شهر كده جيت أحسبها اتلقيت اني قريب هأكمل عشرين سنه


لما بتعمل عمل خيرى بيكون ايه هو دافعك الاول؟
طبعا رضا ربنا وأني اكون فرجت كربة واحد مسلم

بتشرب سجاير؟ لو الاجابه اه ايه شعورك لو شفت ست بتشرب سجاير؟ وليه ؟
لا مش بشرب سجاير مع أني نفسي أجربها عشان اعرف احساس الناس اللي بيشربوها واعرف ليه هما متمسكين بها كده اوي
ولو شفت واحده ست بتدخن طبعا حتضايق منها
ليه لاننا مجتمع شرقي وعاداتنا وتقالدينا مش بتقول كده


بتعرف ايدك اليمين من الشمال ازاي؟
اعمل نفسي إني بسلم على حد وطبعا انا بسلم باليمين


ايه اكتر اله موسيقيه بتحبها ؟
البيانو

فى رأيك ليه الذوق والنخوه اتعدموا؟
لا ما اتعدموش ممكن يكونوا قلوا لكن اتعدموا لا


ايه الحاجه اللى لو حصلتلك تبقى سعيد قوى؟؟؟
برده رضا ربنا والستر والصحة وراحة البال بس هاكون سعيدة اوي لو حاجة كده حصلت بس الحاجة دي للأسف عاوزة معجزة عشان تحصل وبما إن عصر المعجزات انتهى فطبعا مش هتحصل
بضحك على نفسي عارفه


تختار يبقى عندك...ارض زراعيه ولا اجنس عربيات و لا كام عماره و لا فلوس فى البنك؟؟؟؟
ارض زراعية

البحر و لا النيل؟؟؟
البحر ... مع إني بخافه اوي

مركب و لا طياره؟؟
والله ماجربتش الطيارة بس ممكن يكون المركب عشان انا بحب البحر ممكن

مجنون و لا عاقل؟؟
أنا الناس حواليا بيقولوا عليا عاقلة مع اني كتير بحس نفسي مجنونة


تقرأ كتاب و لا تتفرج عليه فيلم؟
اقرأ كتاب لأنه بيوسع خيالي اكتر


بتمرر التاج لمين؟؟؟
اه جينا للمهم
بمرره ل ....
بتاع العسل
سي السيد
حدوته
حازم شلبي
اوشة
تمر حنه
ريل لف
عاليا الحليم
حصان بري
عاشقة الوطن

وأي حد عاوزه والله يتفضل يأخده

المسابقة الرمضانية

السؤال الثالث عشر
تحدثت سورة الرعد عن مظاهر كثيرة للقدرة الإلهية المطلقة ... اذكر ثلاثة منها مع ذكر الآيات التي دلت عليها

السؤال الرابع عشر
سميت سورة النحل بسورة النعم لما تضمنته من مظاهر كثيرة وألوان عديدة لنعم الله على عباده ... اذكر عشرا من هذه النعم كما وردت في السورة مع بيان الآيات التي تضمنتها

السؤال الخامس عشر
تحدثت سورة الإسراء كثيرا عن القرآن ووصفته بأوصاف كثيرة وبينت دوره ووصفت حال من يتعامل معه تعاملا صحيحا ... اذكر آية من آيات سورة الإسراء تحدثت عن دور القرآن في الهداية واذكر كذلك الآيات التي بينت فعل القرآن وأثره فيمن يتعامل معه تعاملا صحيحا

المسابقة الرمضانية

نظرا للمجهود الفظيع اللي انا عملته في العزومة مقدرتش انزل مسابقة امبارح ولسبب كمان عشان العزومة تأخد حقها وبما إن انهارده خلاص خلص هانزل مسابقة امبارح ومسابقة انهارده وبكرة كمان دلوقتي

السؤال العاشر
"الناصر هو الله " حقيقة ينبغي على كل مسلم أن يعتقدها ويؤقن بها ، ولقد ظهر الكثير من آثار هذه الحقيقة في سورة التوبة... أذكر آيتين تؤكدان عليها من السورة

السؤال الحادي عشر
اذكر من خلال قراءتك وتدبرك للجزء الحادي عشر ثلاث آيات تدل على أن الله عز وجل قريب من عباده ينصرهم ويسمعهم ويستجيب دعائهم

السؤال الثاني عشر
جاء في ختام سورة هود ( وكلا نقص عليك من أنباء الرسل ما نثبت به فؤادك وجاءك في هذه الحق وموعظة وذكرى للمؤمنين ) هود 120
ما هي التذكرة والموعظة التي حملتها سورة هود للرسول عليه الصلاة والسلام ولأمته من بعده؟

عزومة

كل سنة وانتوا طيبين
ورمضان كريم
عزومه على افطار جماعي بس على اد ما قسم
ملحوظة ما حدش يسألنى عن الاكل دا يبيقى ايه
واتفضلوا بالهنا والشفاء

اتفضلوا العصير

اتفضلوا الحلو

العزومة دي عملاها على شرف الناس الدمياطية

المسابقة الرمضانية

السؤال التاسع

يظن البعض أن صلاحه في نفسه فقط كاف لنيل رضا الله عز وجل ، فيترك دعوة غيره من الشاردين ولا يفكر إلا في نفسه ، ولقد بين القرآن خطأ هذا الفهم وذلك في عرضه لقصة أصحاب السبت في سورة الأعراف ... أذكر ما يؤكد هذا المعنى من الآيات

المسابقة الرمضانية

في الأول انا ليا طلب لاي حد يقرأ البوست دا
ياإما يدعي على سامح ربنا يهده او يدعيله ربنا يهديه
سامح دا بتاع النت
اللي كل شويه يفصل النت بالأيام
المهم
المسابقة ليوم6 و7 و8

المسابقة السادسة
اذكر من الجزء السادس إية تبين وظيفة القرآن كرسالة هادية ومعجزة تغييرية
السؤال سهل وبسيط خالص

المسابقة السابعة
في الجزء السابع : ذكر القرأن نموذجا لأناس سمعوا آيات القرآن وفهموها وتأثروا بها، وقالوا من الكلمات ما يدل على دخول نور الإيمان إلى قلوبهم ... اذكر هذه الآيات التي تدل على هذا النموذج في الجزء السابع
مفيش أسهل من كده بقى

المسابقة الثامنة
لماذا يقرأ الإنسان؟! وهل يعقل أن يقوم المرء بالقراءة بلسانه وحنجرته دون أن يعمل عقله فيما يقرأ ، ودوم أن يجتهد في فهم المعنى المراد من الكلمات التي تقع عليها عيناه ؟! وكم كتابا يقرأه الناس دون فهم معانيه ؟
السؤال دا بقى مش عاوز مذاكرة

أعترافات

من أول يوم دخلت فيه عالم التدوين وعرفت طريق المدونات اتلقيتها فرصة كويسة إني الاقي نفسي فيها بس مكنتش اعرف ان ممكن في اي لحظة حزن او غضب انسحب وارجع تاني اكتم في نفسي فكرت اني اكتب وأقول كل اللي في قلبي بس للأسف انا معرفش اتكلم او حتى احكي عن اللي يضايقني غير لما الموضوع او الازمة دي تعدي
بجد كانت حالة أكتئاب صعبة ... فكرت أن أقفل المدونه واسيب عالم التدوين اتلقيتها كلها محصلة بعضها ومش فارقه معايا في حاجة
وهنا عاوزة اشكر (أبو صلاح ) صاحب مدونة تنفيس هو أي نعم معملش حاجة بس كفاية انه السبب أني انسى فكرة قفل المدونه وعرض علي المساعدة ... انا بشكره جدااا
( ولما ضاقت حلقاتها وأستحكمت فرجت وكنت أظنها لن تفرج ) الحمد لله
بس انا بقى عاوزة اعرف
ليه الطيب في الزمن دا بقى اهبل ؟ وليه نتيجة الخير اللي بنعمله شر وحقد وكراهية ؟ ليه الأخ بيبيع أخوه ليه اللحم بقى بيتباع والدم بقى مايه
طيب بلاش الاسئلة دي
إيه يكون شعورك لما تجري تستنجد بناس من لحمك ودمك ومش تلاقي منهم غير كل نظرات الفرح والشماته

المسابقة الرمضانية

السؤال الخامس

من الحقائق التي تؤكد عليها سورة النساء أن الله عز وجل لا يظلم الناس شيئا وأن أي نقص يحدث لهم هو بسبب أفعالهم ... أذكر ثلاث آيات من السورة تؤكد هذا المعنى

المسابقة الرمضانية

السؤال الرابع
القرآن ملئ بالآيات التي تتحدث عن وظيفة القرآن ودوره وعمله في الناس .
اذكر آيه من الجزء الرابع تتحدث عن القرآن

مسابقة رمضانيه

كل سنة وانتوا طيبين
ورمضان كريم
بصراحه انا كنت ناوية على شغل جامد في رمضان مع اول يوم بس النت منه لله بقى فصل
هو انا كنت ناويه انزل مسابقة رمضانية كل يوم ودي كانت فكرة بابا
انا هابدأ انزلها انهارده اليوم التالت في رمضان وهانزل اليومين اللي فاتوا برده
وماتخافوش فيه جايزة ان شاء الله
يلا بقى ياجماعه همتكم معانا كده
السؤال الأول
السعاد والشقاء والتيسير والتعسير والنصر والهزيمة والهدى والضلال ... أمور يظهر آثارها بين الناس كنتائج لافعال قاموا بها ومثال ذلك قوله تعالى ( ظهر الفساد في البر والبحر بما كسبت أيدي الناس ليذيقهم بعض الذي عملوا لعلهم يرجعون ) {الروم 41 } والقرآن ملئ بالآيات التي تؤكد هذه الحقيقة .. أذكر من خلال تدبرك للجزء الاول من القرآن ثلاث آيات تؤكد هذه الحقيقه

السؤال الثاني
كرامة الله لعباده وولايته لهم مرتبطة بمدى استقامتهم على أمره (وهو يتولى الصالحين ) {الاعراف 196} . اذكر من الجزء الثاني من القرآن آية تؤكد هذا المعنى وأن الكرامة والولاية من الله على قدر الاستقامة من العبد

السؤال الثالث
هناك الكثير من الآيات في القرأن تؤكد أن مشكلتنا مشكلة إيمانية وأنه بالإيمان والتقوى ينصلح الحال وتأتي المعونة من الله وبدونهما يسوء الحال ويزداد الذل والهوان .. أذكر آية من الجزء الثالث تؤكد هذا المعنى

رمضان كريم

كل سنة وكل الناس طيبه طبعا رمضان على الابواب وكلنا بنستعد له بس للأسف معدناش بنحس برمضان زي زمان اكيد رمضان هو هو ماتغيرش احنا اللي بنتغير
انا عندي سؤالين وياليت كل اللي يقرأ البوست دا يجاوب عليه
(ملحوظة / الاجابه اجباريه وليست أختياريه) ماشي

السؤال الاول / ياترى لسه بتحس (بتحسي) برمضان زي زمان ؟

السؤال الثاني / بنقضي يومنا إزاي في رمضان ؟

وأنا هابدأ واجاوب على السؤالين
بالنسبة للسؤال الأول ... الاجابه ( لا ) معدش بحس برمضان زي زمان
السؤال الثاني ... اممممم هابدأ من السحور بتسحر على الساعه 4 كده وبعدين بخرج أصلي الفجر في المسجد وبعد كده أرجع انام لغايه ميعاد الكليه اروح الكليه وارجع لو رجعت بدري بنام شويه قبل الفطار واصحى قبل المغرب بنص ساعه كده اقرأ قرأن شويه واقف في البلكونه شويه اتفرج على الناس وهي مروحين يفطروا وبعدين المغرب يأذن وبعد الفطار هاتفرج شويه على التليفزيون واقعد اذاكر شويه واقوم اتنطط شويه وارجع اذاكر شويه وشويه تليفزيون ممكن أنام للسحور وممكن افضل صاحيه دا لو كنت راجعه بدري
لو روحت من الكليه بقى متأخر قبل الفطار علطول او بعد الفطار حتى بفطر وبعد كده ادخل أنام مهدودة طبعا واصحى اذاكر شويه اتنطط برده شويه ممكن أنام قبل السحور وممكن لا
متعة رمضان عندي بتبدأ في أخر 10 أيام بروح أصلي التهجد في المسجد بستنى انا العشر ايام دول كل رمضان بفارغ الصبر مع انها بتبقى ايام متعبة اوي ممكن اليوم مش بيصفى غيرعلى 3او 4 ساعان نوم بس مش بيبقى مهم المهم صلاة التهجد في المسجد بتبقى دي مقمة المتعة بجد
ربنا يعيني بقى رمضان دا وان شاء الله هاروح اصلي التراويح في المسجد
هو رمضان معدش زي زمان ... زمان كان فيه لمة لمة العيلة مع جدي ونينتي على الفطار كانوا هما فرحة رمضان دلوقتي رمضان
وحش اوي اوي من غيرهم يلا بقى ربنا يرحمهم ويرحم أيامهم

***

انا خلصت
والاجابه اجباريه

الرسالة الثالته

لا أعرف من أين أتيت بهذا الحمق كي أهوى وهما وسرابا بهذا العمق؟

كذبت حين قلت بأن موتي أمام عينيك يكفيني . فأنا لا أرضى باقل من موتي بين يديك .. بين أحضان عينيك التي في يوم أغوتني بسحرها وأوقعتني في شركها

نعم كذبت فلم يعد هذا يرضيني .. لم يعد يكفيني . من منا قد يحتمل هذا الوضع . من يستطيع تقبل هذا الأمر؟!!

صار حبك يشقيني . صار محور لشجوني حقا إنه يثير جنوني

لقاءات عديدة ومتكررة متشابهة وأنت تجهلها وأنا أعلمها ولا أستطيع أن أنكرها ولكني سئمتها .. سئمت ضعفي حينها .. سئمت دمع متحجر يسكن عيناي حين رؤياك

لو ثار مرة وأعترض .. لو سالت دموعي تحترق ورأيت عيوني تختنق لأثارت دوما شفقتك .. لا .. لا أريد شفقتك بل إنني أتوسل إلى رحمتك

بعد كل لقاء نحيب وبكاء وإستغاثة برب السماء ليرحمني من هذا العناء أو ليستجيب لي الدعاء ويلبي النداء ولكن هباءا هذا الرجاء

إن كنت حبيبي ساعدني كي أرحل عنك

أو كنت حبيبي ساعدني كي أشفى منك

علمني كيف أقص جذور هواك من الأعماق

علمني كيف تموت الدمعة في الأحداق

أهواه برغم كل شئ

لا أصدق
فمن يصدق
فقد غدا عمري شمعة تحترق
وغدا شبابي من الأشواق يختنق
ومن الفراق روحي عني تفترق
فما كان لي يوما أن اهوى أو أعشق
حتى أضحي بربيع حياتي ومني ينتحر
فألزمت قلبي بالأنسحاب ولكنه لي أعتذر
فلا أملك شئ غير أن للغد أنتظر
حتى أرى ما قد كان لي من مفأجات القدر
هل سيتركني احيا بعشقي كباقي البشر
أم سيجعلني اكفن بيدي سنين الزهر
وأظل أعاني وحدي قسوة الدهر
فقد دفن بداخلي أحلى سنين العمر
وتركني بجراحي لدموعي ولليل والسهر
لأجد صبايا يغتال أمامي منذ عهدي بالصغر
فأدرك أن زماني قد فعلها وبي غدر
فسأنتظر أنتهاء ساعات الليل مع القمر
حتى الصباح وليكن قراري عند الفجر
إن كنت سأختار البعد وأبدأ رحلتي مع السفر
فكثيرا ما بحثت لي عن مفر

أهواه
ولا أدري
إن كان يدري
بما يجري
أم أنه لقلبي لا يهوي
وظل صامتا لا يفضي
تاركني لحيرتي أذهي
فبأيمان الخالق يكون قسمي
بأن هواه قد ملك أمري
وعينيه لم تفارقني يوما حتى في حلمي
فكثيرا ما قاومت من أجله دمعي
فأظل أناديه يومي بدقات قلبي
وأناجيه برغم البعد طوال ليلي
لعله حين نلتقي يدرك رغم صمتي
بأنني قد وهبت له يومي وغدي
وجعلت عمري فداء يوما بقربي
فليته يأتي سريعا ويرحم نفسي
فباتت تعاني من حنيني ... من أنيني

فمنذ علمي بأن قلبي يهواه
ظننت أنه هدية من الزمان مهدأه
لم أظن يوما أنها ستكون لي معانأه
فوجدت أيامي تبتسم على رؤياه
وقلبي يرقص فرحا حين مناجأه
وعيني لم تكف يوما عن منادأه
فقد وصلت معه نفسي إلى منتهاه
فإن نظر في عيني لوجد برغم القرب لهفتها
وإن سمع لهمسي لأدرك ما بنفسي واشتياقها
فلم أعد أحتمل ما أتلقاه من جفاء
فقد ذقت معه جميع أنواع الشقاء
فبعدما كنت أحب رؤياه صرت أكره اللقاء
فبرغم ما بيننا من خطوات فإنه لا يسمع النداء
فقد أفشت عيني بسري فلم يعد حبه في الخفاء
وويلي من ليلي حين يأتي المساء
فتسئم نفسي ولا تجد مفرا غير البكاء
فلا ترى في عشقي سلوة أو عزاء
فسلمت أمري وقررت الأبتعاد
تلبية لصوت الكبرياء
ولكن ماذا عن الحنين

خواطر

صدقت حبي وأخلصت لعشقي وأفنيت عمري فداء فداء يوما تبادلني فيه نداء قلبي

كيف نستقبل رمضان

مدرسة ستفتح أبوابها بعد أيام قليلة .. فهل ترى نحيا فندرك هذه المدرسة ونلتحق بها؟ وإذا التحقنا بها هل نخرج منها مع الفائزين أو الخاسرين؟ .
إنها مدرسة رمضان .. مدرسة التقوى والقرآن .. وموسم الرحمة والغفران .. والعتق من النيران .
أيام معدودة وتستقبِل الأمّة هذا الزائرَ المحبوب بفرحٍ غامِر ، وسرورٍ ظاهرٍ .
ماذا أعددنا ونحن على أيام من هذا الشهر العظيم ، هل أعددنا نية وعزماً صادقاً بين يديه؟ هل بحثنا عن قلوبنا ، لنعرف عزمها وصدقها فيه؟
لا يستوي من لا يتجاوز اهتمامه وتفكيره في استقبال رمضان شراء الحاجيات وتكديس الأطعمة الرمضانية ، ومن يجعل جل اهتمامه غذاء الروح والتفكير في تطهير وتزكية النفس والإقبال على الله تعالى في هذا الشهر المبارك .
لسان حاله: كيف أستفيد من هذا الموسم؟ كيف أستعد وأخطط لأن أكون من العتقاء من النار ، من الذين تشتاق لهم الجنة ، من الذين يغفر الله لهم ما تقدم من ذنوبهم .
إن الإعداد للعمل علامة التوفيق وأمارة الصدق في القصد، كما قال تعالى: { وَلَوْ أَرَادُواْ الْخُرُوجَ لأَعَدُّواْ لَهُ عُدَّةً}، والطاعة لابد أن يُمهَّد لها بوظائف شرعية كثيرة حتى تؤتي أكلها ويُجتني جناها، وخاصة في شهر رمضان حيث الأعمال الصالحة المتعددة .
ولهذا نقول: من الآن ، اصدق عزمك على فعل الطاعات .. وأن تجعل من رمضان صفحةً بيضاءَ نقية ، مليئةً بالأعمال الصالحة .. صافيةً من شوائب المعاصي . قال الفضيل: "إنما يريد الله عز وجل منك نيتك وإرادتك " .

ونحن نتحدث عن الإعداد والتخطيط المسبق للاستفادة من رمضان، أذكر نفسي وإياكم بهذه الامور

أولاً: بادرْ إلى التوبة الصادقة , المستوفية لشروطها , وأكثر من الاستغفار .
ثانياً: تعلَّمْ ما لابد منه من فقه الصيام وأحكامه وآدابه, والعبادات فيه كالاعتكاف والعمرة وزكاة الفطر وغيرها .
ثالثاً: اعقد العزم الصادق والهمة العالية على استغلال رمضان بالأعمال الصالحة , قال تعالى: {فإذا عزم الأمر فَلَوْ صَدَقُوا اللَّهَ لَكَانَ خَيْرًا لَهُمْ}, وقال جلا وعلا: {وَلَوْ أَرَادُواْ الْخُرُوجَ لأَعَدُّواْ لَهُ عُدَّةًَ} ، وتحر أفضل الأعمال فيه وأعظمها أجراً .
رابعاً: خُذ ورقة واكتب خطة شهر رمضان الإيمانية , وخطة شهر رمضان العلمية , وكذلك الاجتماعية والدعوية ,اكتب سأقرأ من القرآن كذا وسأشارك في الدعوة في مجال كذا, وسأقرأ من الكتب كذا وكذا ,اكتب وسل الله التوفيق واعلم أن يعطي كل ناوِ ما نوى إما عيناً أو عوضا.

خامسا: استحضر أن رمضان كما وصفه الله عزَّ وجلَّ أيام معدودات ، فهو موسم فاضل ، ولكنه سريع الرحيل .. واستحضر أيضاً أن المشقة الناشئة عن الاجتهاد في العبادة سرعان ما تذهب بعد أيام ، ويبقى الأجر ، وشَرْحُ الصدر بإذن الله ، أما المفرِّط فإن ساعاتِ لهوه وغفلته تذهب سريعاً ، ولكن تبقى تبعاتها وأوزارها .
سادسا حاول أن تصوم رمضان وتجعلة مائة رمضان وذلك بالدعوة إلى الله وإفطار الصائمين وإطعام المحتاجين وكفالة الأرامل والمساكين.
سابعا وأخيراً : التخطيط والترتيب لبرنامج يومي للأعمال الصالحة كقراءة القرآن ، والجلوس في المسجد ، والجلوس مع الأهل ، والصدقة ، والقيام ، والعمرة ، والاعتكاف ، والدعوة وغيرها من الأعمال ، فلا يدخل عليك الشهر وأنت في شَتات ، فتحرمَ كثيراً من الخيرات والبركات .
أسأل الله أن يبلغنا وإياكم رمضان ، اللهم بلغنا رمضان وأحسن عملنا فيه ، إنك أجود مسؤول وخير مأمول .

منقول أمير بن محمد المدري
إمام وخطيب مسجد الإيمان – عمران-اليمن