كل سنة وكل الناس طيبه طبعا رمضان على الابواب وكلنا بنستعد له بس للأسف معدناش بنحس برمضان زي زمان اكيد رمضان هو هو ماتغيرش احنا اللي بنتغير
انا عندي سؤالين وياليت كل اللي يقرأ البوست دا يجاوب عليه
(ملحوظة / الاجابه اجباريه وليست أختياريه) ماشي
السؤال الاول / ياترى لسه بتحس (بتحسي) برمضان زي زمان ؟
السؤال الثاني / بنقضي يومنا إزاي في رمضان ؟
وأنا هابدأ واجاوب على السؤالين
بالنسبة للسؤال الأول ... الاجابه ( لا ) معدش بحس برمضان زي زمان
السؤال الثاني ... اممممم هابدأ من السحور بتسحر على الساعه 4 كده وبعدين بخرج أصلي الفجر في المسجد وبعد كده أرجع انام لغايه ميعاد الكليه اروح الكليه وارجع لو رجعت بدري بنام شويه قبل الفطار واصحى قبل المغرب بنص ساعه كده اقرأ قرأن شويه واقف في البلكونه شويه اتفرج على الناس وهي مروحين يفطروا وبعدين المغرب يأذن وبعد الفطار هاتفرج شويه على التليفزيون واقعد اذاكر شويه واقوم اتنطط شويه وارجع اذاكر شويه وشويه تليفزيون ممكن أنام للسحور وممكن افضل صاحيه دا لو كنت راجعه بدري
لو روحت من الكليه بقى متأخر قبل الفطار علطول او بعد الفطار حتى بفطر وبعد كده ادخل أنام مهدودة طبعا واصحى اذاكر شويه اتنطط برده شويه ممكن أنام قبل السحور وممكن لا
متعة رمضان عندي بتبدأ في أخر 10 أيام بروح أصلي التهجد في المسجد بستنى انا العشر ايام دول كل رمضان بفارغ الصبر مع انها بتبقى ايام متعبة اوي ممكن اليوم مش بيصفى غيرعلى 3او 4 ساعان نوم بس مش بيبقى مهم المهم صلاة التهجد في المسجد بتبقى دي مقمة المتعة بجد
ربنا يعيني بقى رمضان دا وان شاء الله هاروح اصلي التراويح في المسجد
هو رمضان معدش زي زمان ... زمان كان فيه لمة لمة العيلة مع جدي ونينتي على الفطار كانوا هما فرحة رمضان دلوقتي رمضان
وحش اوي اوي من غيرهم يلا بقى ربنا يرحمهم ويرحم أيامهم
***
انا خلصت
والاجابه اجباريه
هناك ٣٧ تعليقًا:
اولا كل سنه وحضرتك طيبه
طبعا رمضان بالنسبه ليا اتغير كتير عن زمان ادركت عظمته والنعمه الكبيره اللي ربنا ادهالنا
زمان كان جو رمضان غير كده خالص وباحس انه حتى الاولاد اللي ف سن صغيره مش واصلهم احساس رمضان زي ما كان معانا
يوم رمضان بقى على حسب انا رمضان اللي فات كانت ظروف الشغل بتجبرني اني افطر وانا شغال
لكن ان شاء الله السنه دي غير ربنا يقدرنا جميعا
كل سنة و انتي طيبة و رمضان كريم
طالما حكمتي ان الاجابة اجبارية يبقى ما باليد حيلة
اولا
=====
للاسف رمضان مبقاش زي زمان و التلفزيون مبقاش زي زمان و البرامج الدينية بقت بتيجي في فترة المشاهدة الميتة و الفوازير و التفهاة و الكاميرا الخفية في اوقات الذروة
و عادات الناس بقيت حاسس انها اختلفت
ثانيا
=======
يومي ازاي
=========
طبعا الشغل شغل و مبيختلفش نظامه
بليل بستمتع بلمة الصحاب و العيلة على الفطار, عشان طول السنة ما بنتجمعش زي الشهر الفضيل
خاتمة القران بتبقى عليا فرض اان شاء الله
التراويح طبعا من السنن الجميلة برده بحاول اكون مداوم عليها
و بلييل بقى مش هحكيلك عن الحلو
و اخر اليوم مكدبش عليكي بشوف البرامج اللي فاتتني
براءة انا كدة؟
سلام مؤقت
ولو
نورت مدونتي المتواضعه وشكرا على المتابعه
وكل سنة وانت طيب
ورمضان كريم
مستنيه تكرار الزيارة
S H A H
نورت مدونتي المتواضعه
وشكرا على الزيارة والرد عليا
وربنا يعينك ان شاء الله
ومنتظرة تكرار الزيارة
وعلى فكرة انت براءة
تؤتؤ معدتش بحس برمضان زى زمان والناس واللمه والفرحه كان زمان وانا صغير بحس انى وان الناس كلها اول مابيجى رجب بنبقي مستنين رمضان بفارغ الصبر ونعد نحضرله وكلام من دا الواتى لا خالص الوضع اتغير
......................
تانى حاجه اليوم ازاى
يامسهل نبدأ بالسحور تقريبا انا مش بنام الا بعد الفجر اتسحر واقرء قران لحد الفجر وانزل اصلى واطلع انام ساعه غلبانه قبل الشغل وطبعا اروح الشغل مش قادر المهم ارجع من الشغل ع قبل الفطار بساعه او ساعتين انام بقي على طول
واقوم افطر واتفرج على التلفاز المؤذي لحد العشاء وانزل اصلى العشا والتراويح واتمشي شويه مع صحابي وارجع لو هروح ازور حد مع اهلى او لو فيه عندنا ضيوف في البيت
بسسسسسسس
...............................
تسلمى سحر على البوست اللى بيفكرنا بحاجات حلوه
تحياتى لكى
O S A M A ..
كل سنة وانت طيب
ويارب علطول ما يقطع لك عاده
نورت مدونتي المتواضعة
كل سنة و انتى طيبة و جميلة وساهرة
سهر
كل سنه وانتى طيبه
على فكرة اسمك جميل أوى
المدونة بتاعتك جميله ورقيقه
بالنيسبه لسؤالك فى البوست
لا أكيد الاحساس مختلف بس هو بالنسبه لى أجمل
ازاى بقضيه
مابين المحاضرات والسكاشن وبعد كده قيلوله عميقه نصحو منها على الإفطار وتبتدى المذاكرة لو فى امتحانات طبعا ولو مافيش يبقى نقضيها قراية أو تليفزيون ويختم بصلاة العشاء والتراويح ممكن يبقى فى سحور وممكن لا حسب الحالة النفسيه
يااااه أنا كتبت كل ده
معلش استحملينى
تحياتى ليكى
أولا بالنسبة للسؤال الأول
فالواحد بيحاول إن كل رمضان يكون مش زي اللي قبله
أو بمعنى تاني يكون أحسن من اللي قبله
أما بالنسبة للسؤال التاني
فتقريبا بعد صلاة الفجر بقعد لحدالشرو في المسجد وبعد كده لحد العصر أو بعد العصر من كل يوم بيكون مختلف حسب لو كان ورايا حاجة ولا لأ
وبعد كده بكون في المسجد غالبا وبعد الفطار التراويح وبعد التراويح برده بتختلف كل يوم حسب الظروف
يعني فيه شوية حاجات ثابتة والباقي الواحد بيحاول إنه يكون مش ثابت لأني أكره الروتين
فالواحد بيحاول إنه يكو نلاموضوع متجدد وياسلام لو فيه أفكار جديدة
ومعلش صدعت دماغكو
في أول زيارة ليه
وسلام دلوقتي
وراجع تاني إن شاء الله
سهر
أولا كل سنة وانتى طيبه
ثانيا ميرسى قوى على زيارة مدونتى
أما بالنسبة لرمضان فعندك حق احنا فعلا كلنا كمصريين مش بقنا نحس بفرحة قدومه زى الاول
وبقوم من النوم فلى رمضان اتسحر ع الساعة 4 كده واصلى الفجر واستعد ان اروح الكلية واخلص المحاضرات ع الساعة 2 وبعد كده اروح البيت واقرأ قرأن كل يوم جزء على قدى وبعد كدة استنى الفطار بفارغ الصبر وبعدين اتفرج على التلفزيون بقت اليوم وبــــــس خلص اليوم يا سهر
السلام عليكم ورحمةلله وبركاته
بصراحه رمضان كل عام بيفقد احساسع عن العام الى قبله
انا قرأت البوست
ربنا يعينك على رمضان وعلى استغلال العشر الأواخر فيه أفضل استغلال
حلو أوى صلاة التهجد ربنا يعينك وادعيلنا
بس فين نصيب القرأن من هذا الشهر المبارك
أعانك الله وأعاننا معك
دومتى بخير
والسلام عليكم ورحمة الله وبركاته
السلام عليكم
اول زيارة لى فى مدونتك
بس ايه النشاط اللى لقيته ده
6 و9 بوستات ف الاسبوع ماشاء الله
رمضان مازال مختلفا وكن احنا اللى بنتغير
يعنى السنة اللى فاتت كان رمضان له طعم مختلف عن اللى قبلها السنة اللى فاتت كنت مخلص اكلية بس مش شغال فكان له مذاق خاص كان الواحدبيعمل اللى هو عايزه طول اليوم السنوات اللى قبلها كان دايما يجي ايام امتحانات فكان له طعم تانى
اللى انا خايف منه السنة دى بقي ازاى هاحس برمضان مع الشغل ربنا يعينا بقي
سؤال
هو احتلال الدمايطة للمدونات ده شرعى؟؟
حازم
منور المدونه
بس فيه سؤالين اجباري فين الاجابة؟؟
******
DARK
نورت المدونه
وكل سنة وانت طيب
ومستنيه زيارة تانية للمدونه
********
bedo
كل سنة وانت طيب
سعيدة جدا بزيارتك للمدونه
ومستنبنك
*******
emy
كل سنة وانتي طيبة
منورة الدنيا والمدونه بالذات
مستنينك علطول
********
مؤمنه
كل سنة وانتي طيبة
نورتي المدونه ويارب تنوريها علطول
*********
تخاريف دكتور
منور المدونه وكل سنة وانت طيب
وبالنسبة ل لبوستات بقى 6 او 9 في الاسبوع بس الاسبوع دا 4
وبعدين دا نشاط دمياطي ... نحن نختلف عن الأخرين
وفي انتظار تكرار الزيارة
السلام عليكم
ازيك ياسهلا ياقمر
كل سنة وانتى طيبة وكلاناس بخير ياارب
بالنسبة لرمضان اكيد مش زى قبل كده بس الواحد بيحاول يكون احسن من اللى قبله
انا رمضان ده حاسة انه هيكون مختف ليا على الاقل عن قبل كده
ليه ؟؟؟ معرفش
بس انا حاسة بكده
بالنسبة للمة والناس اللى بنحبهم مش موجودين
رمضان ده هيكون اول رمضان اقضيه من غير جدى
الله يرحمه
اكيد هيكون غير قبل كده من غير جدى رحمه الله ورحم جميع موتانا
واليوم بنقضيه برضه الصبح فى الكلية وبنرجع مهدودين نصلي ونقرا قران وان نت هنام ساعة وبعدين الفطار وبسرعة الحق بعد الفطار اغير واروح المسجد انا واخواتى عشان صلاة العشاء والتراويح
وبنرجع نشوف ان كنا هنذاكر او نلعب
ومبقاش التلفزيون بيمثل حاجة مهمة فى حياتنا زى قبل كده
ونرجع تاى ان كنا هنصلي صلاة تهجد ونام شوية قبل الفجر ونقوم نصلي ونام شوية تاى قبل ميعاد الكلية
واليوم الديد بيبدأ
وكل رمضان وانتى طيبة ياقمراية
وكل سنة وانتى زى ماانتى حلوة وجميلة ياسكرة
السلام عليكم
هو فعلا الواحد خلاص حس رمضان تقريبا انتهي من عنده
الدوامه اللي الواحد عايش فيها بتخليه مش حاسسس بطعم اي حاجة حلوة
وطبعا مفيش احلي من رمضان
ويوم رمضان اصبح زي اي يوم عادي
سحور وشغل وافطار وتراويح وشويه تلفزيون ونوم
عزيزتى سهــر
كل سنة وانتِ بألف خير ورمضـان كريم
اولا اهنئك على هذا النشاط الملحوظ وفقك الله
الحقيقة ان رمضان مازال رمضان لم يتغير فهو شهر خير وشهر بركة وشهر رحمة وشهر مغفرة وهنيئأ لمن ظفر بهم ونحن ندعو الله العلى القدير ان يجعلنا مما يدركون هذا الشهر وطبع عزيزتى الحياة وصعوبات المعيشة وتأمين الحياة الكريمة قد تغطت علينا فلم يعد لرمضان فى قلوبنا كما كان فى السابق ولكن نحن نحاول دائما الاستفادة بقدر المستطاع من هذا الشهر الفضيل
ثانيا بالنسبة ليومى برمضــان هو مختلف حسب حجم العمل الذى لدى يعنى مافى برنامج معين لكن الغالب انى فى رمضان بنام بعد صلاة الفجر الى الساعة العاشرة صباحاً بتوقيت السعودية ثم اذهب الى قضاء اعمالى واشغالى الى الساعة الخامسة تقريبا ثم اجلس برفقة القران الكريم الى صلاة المغرب افطر بالتمر والعصير او القهوة العربى ثم اتوجة الى الصلاة وبعد الصلاة نفطور شاهد التلفزيون قليلا ثم اتوجة الى الحرم بمكة المكرمة لانها تبعد عنى حوالى 80 كيلو استعدادا لصلاة العشاء والترراويح وبعد الصلاة امارس العلاقات الاجتماعية وصلة الارحام
وبالمناسبة الصلاة فى الحرم عادة يومية نسأل الله ان يعيننا جميعا على صيام هذا الشهر ونسألة المغفرة لنا جميعا
شكرا سهر وسامحينى على الاطالة
و اللة
عادى
ايام
و بنعيشها
انما رمضان
زى ماهو
احنا بس اللى
اتغيرنا
سلام بقى
كل سنة وانت طيبة
فعلا مفيش حاجة بقت زي زمان المة والعيلة واحساس الجو تحسة في ريحة رمضان
يلا الحمدلله
يومي بقي
اول ما بصحي من النوم يا بروح الكلية و عندي محاضر يا مش بروح لو معنديش لو رحت بحضر واجي انام شوية واصحي علي صلاة العصر كدا
اصلي واقرا قران واشوف ماما لو عايزة حاجة اعملها وبعدين ابتدي احضر السفرة واحضر هدومي اول ما الاذان ياذن اصلي وبعدين افطر ودخل اتوضا والبس علشان التراويح بصليها في المسجد اللي ادمنا
وبعد ما باجي منها بريح شوية وبعدين اقرا قران او اتفرج علي عمرو خالد وساعات اتفرج علي برنامج ولا تمثلية عقبال ما عمرو يجي بس وبعدين اقعد شوية علي النت بليل وبعيد اقوم علي واحد اصلي قيام وبعدها اقرا قران لغاية السحور طبعا العشرة الاواخر من الساعة واحدة لغاية الفجر ببقي في المسجد بصلي التهجد وبتسحر قبل ما اروح طولت عليكي بس حكيت اليوم بالتفصيل
سلام
مني
رمضان كريم وكل سنة وانتى طيبة
بس ادينى وقت ارد عليكى تانى
عزيزتى
كل سنه وانتى طيبه
رمضان زى ما هو متغيرش
احنا اللى اتغيرنا
واحساسنا بيه اتغير
وكل سن وليه احساس
اما بقضيه ازاى
معرفش بصراحه لان كل يوم غير التانى
والشيطان والنفس محدش عارف ممكن تودينا فين
ربنا يتقبل منا
ويغفر لنا
تحياتى
سلام
كل عام وأنتم بخير
يهل رمضان من بعيد
حاملاً لي أحلى الذكريات دائماً
أصدق العبرات حتماً
أخلص العبادات دوماً
لرمضان عندي مكانة خاصة
ولكم أنتم أيضاً
يا أحبابـــي
فكل عام وأنتم بخير
وأنتم إلى الله أقرب وعلى طاعته أدوم
بعد السلام عليكم
أزيك ياسهر
أنا أسف أتاخرت المرة دي كتير
ولكن علي كل حال كل سنة و أنتي طيبة
طبعا رمضان مبقاش زي زمان ، وحاجات كتير اختلفت ، فين رمضان اللمة والعيلة
وممكن يكون السبب في كده احنا أو حتي غيرنا اللي بيربطوا الشهر الكريم بالمسلسلات و البرامج الترفيهية
أما عن يومي في رمضان السنة هيكون مختلف عن ماسبق عشان ظروف الشغل أتغيرت شوية
فأنا هأقول الثابت بتاع اليوم أن شاء الله
بأصحي الصبح بدري لو عندي محاضرة ، ولما أخلص المحاضرة بأرجع البيت طبعا بأنام لغاية العصر كده أصحي أصلي وأقرأ قرآن وساعات ممكن العكس أصلي العصر الأول و بعد كده أنام لغاية قبل المدفع
أفطر ولما يخلص الفطار ممكن أتابع برنامج وبعد كده لو حد معزوم عندنا لازم أقعد معاهم شوية
بعد كده أصلي العشاء و أنزل أروح الجريدة ولما أخلص شغل هناك وأروح ممكن أقضيها نت شوية لغاية صلاة التهجد
وبعد كده بأتسحر متأخر
للأسف مش منتظم في صلاة التراويح ألا لو كان شغلي قبل الفطار أو الأيام الأجازة منه أو لو خلصت بدري
كل سنة وأنتي طيبة ياسهر
وكل المسلمين بخير
وعلي فكرة أوعي تفكري تسيبي المدونة ولا حتي تقولي كده
أنتي مدونتك من المدونات الممتازة و أنت علي المستوي الشخصي شخصية جميلة ومهذبة ، و أنسانة كويسة
طبعا كل ده بأعرفه من كتاباتك ، عندي قدرة والفضل لله أني أعرف البني أدم من كتاباته ، لأن أي أنسان لازم تلاقي كلماته بتعبر عنه
وبعدين أحنا خلاص بقانا أصدقاء ولو عندك مشكلة أو قدرتي تقوليلي السبب في تفكيرك ده ، هأحاول بأذن الله أني أساعك
وبرضه مش هتلاقيني أنا لوحدي ، وهتلاقي كل أحبائك المدونين وكل أصحاب المدونات الجميلة اللي حواليكي
تحياتي وكل سنة وأنتي طيبة
صراحة لا مش بحس برمضان زي زمان بس ان شاء الله رمضان هذا العام هحس بيه وهستشعر كل ساعه في هذا الشهر الكريم فهو شهر الروحانيات
بعمل ايه بقي في رمضان يعني الشغل وقراءة القران وقراءتي الاخري مشاهدة التليفزيون الخروج مع اصدقاقئ وزيارة الاهل
حجات كتير
تحياتي لكي وكل سنه وانتي طيبه
معتدش بحس برمضان من زمان اوى
مش ببقي عاملة خطة معينة كل وم بيومه حسب الظروف
بعد السلام
ج1
رمضان فين ايام رمضان ايام زمان
كان الواحد يلعب بالفوانيس
وكان الخير كتير والناس مبسوطة
وكله بيحب بعضه
والعزومات بالهبل
كل يوم عند واحد من قرايبك
لكن
الوقتى الشهر بيبدا اول عشر ايام
وتلاقينا فى العشر الاواخر
وعدى الشهر من غير ما نحس بيه
وعلى راى المثل
قول لزمان ارجع يا زمان
ج2
اكيد النظام فى رمضان يختلف من سنة الى اخرى لان رمضان فى الشتاء مش زى الصيف
المهم
المسحراتى بيجى الساعة 2
مش عارف ليه كله فى الفاضى
نقوم الساعة 4 قبل الفجر ب15 دقيقة
أسحر واروح اصلى الفجر فى الجامع
واجى انام ساعتين او ثلاثة
واصحى اروح الكلية
يعنى حسب اول محاضرة
ولازم اصلى الظهر جماعة هناك
واحتمال العصر كمان
وبعدين اجى اقرا شويه قران قبل المغرب
واروح اصلى المغرب جماعة وبعدين اجى للفطار ولازم التلفزيون يكون مفتوح لو حتى على بكار
وبعد شويه قبل العشاء اروح الجامع
نسمع درس من الامام
واصلى العشاء والتراويحد
واروح لو كان مذاكرة ولا اى حاجه تانية وبعدين اقلب شويه فى التلفزيون
كفايه كده
الباقى حسب الظروف
معلهش اتاخرت شويه والسبب النت
كان فصل واستنيت لما جه تانى
كل سنة وانتى طيبة
سلام
السلام عليكم
أنا اسف عشان اتاخرت في الرد شويه عشان كان في ظروف وكنت مشغول شويه
هبدا علطول وهجاوب علي السؤال الاول طبعا مفيش اي حد بيحس برمضان زي زمان لان كل مرحله من مراحل العمر بتبقي مختلفه عن اللي قبلها والاختلاف ده بيشمل كمان نظامنا اليومي اللي بنعيشه وبلاخص في رمضان
لان لما كنا في مرحله الصبي كان كل واحد مننا بيستني رمضان عشان يشتري الفوانيس ونعمل الزينه والزواق اللي في الشوارع وكنا بنتسابق مع اصحابنا علي اللي يعمل زينه اكتر واسرع من التاني وكنا بنحضر ليها قبل ما شهر رمضان يجي باسبوعين وكنا بنستني البرامج التلفزيونيه والفوازير
بس لما كبرنا بقي تفكيرنا اتغير تماما الواحد بقي بيستني شهر رمضان يجي عشان يبدا يقرب من ربنا اكتر وعشان يستني اللمه بتاعه العيله اللي الواحد بيفتقدها وبالنسبه ليا انا فشهر رمضان الشهر الوحيد اللي انا والعيله بنجتمع فيه علي سفره واحده
أما بالنسبه للسؤال التاني وازاي بقضي يومي في رمضان
اولا : بتسحر عشان اصوم اول يوم في رمضان
ثانيا : بصلي فجر أول يوم من رمضان
ثالثا : بما اني في كليه نظريه وطبعا من المعروف في جميع الكليات النظريه ان الدراسه فيها مش بتبدا من اول يوم فبنفض لاول اسبوعين ومش بروح يعني نص شهر رمضان الاول هيبقي اجازة من الكليه فهقوم من النوم متاخر شويه وابدا اصلي كل فروضي واقرا ربع قران بعد كل فرض واستني مدفع الافطار وافطر مع العيله واستني لما الحلو يخلص واكل كنافه وقطايف :d وبعد كده افتح التلفزيون اشوف البرامج اللي بتتعرض واتابع الكويس منها واول ما العشاء تأذن للصلاه اروح اصلي واصلي التهجد وبعد كده اروح اخرج مع اصحابي نتمشي شويه ... وهكذا طوال شهر رمضان الي ان ينتهي الشهر في غمضه عين من غير ما الواحد يحس وفي اخر ايام الواحد بيبقي حزين ان رمضان هيسيبنا ويمشي وبنتمني ان الشهر ميخلصش خالص بس فرحه العيد بتيجي بتغطي علي زعلنا علي انتهاء هذا الشهر الكريم
وكل سنه وانتي وكل الشعب الاسلامي بخير بقرب حلول شهر رمضان المبارك
والسلام عليكم ورحمه الله وبركاته .
بصي بشكل عام
رمضان والعيد والمولد وكل المناسبات دي ما عدش الناس بستقبلوها زي الأول من الغلب اللي شايفينوا
بس اكيد الكل بيبقى مستنيها
وعلى العموم دلوقتي انا شخصيا كل مادخل مدونه ألاقي الكل بيبارك ويهنني عشان رمضان وبندعي لبعض وبنعيش بعض في اجواؤه ودي خطوه حلوه عيشتنا في الجو وحسستنا بطعمه من تاني
أما ازاي بنقضي اليوم...
متهيألي كلنا زي بعض
من السحور لصلاة الفجر للقرآن للشغل للطبيخ للفطار بما فيه من لمة العيله والأصحاب للتراويح للتليفزيون وهلم جرا
وكل سنه وانتوا طيبين
بأيدك بالحرف
تحياتي
هنا يا عزيزتى فى الغربة لا يوجد رمضان كما تعودنا عليه فى مصر فبقدر الامكان نحاول ان نصنع نحن المصريين جو الوطن و دفء الشهر كما عرفناه .. شوية كنافة على شوية قطايف فى السهرة مع شوية لف على القنوات الفضائية لمشاهدة مسلسلات نحاول ان نختارها بعناية فالوقت لا يسمح بمشاهدة الكل وطبعا لا نغفل المواظبة على الصلاة وقد تكون تلك اكثر مزايا رمضان هنا خاصة فى الكويت حيث اعمل فالشيخ مشارى العفاسى يجعل من ليالى رمضان و صلاة التراويح جرعات روحية لا يمل لاانسان منها لكن فى النهاية يا عزيزتى يبقى الوطن و رمضان مصر غير كل رمضانات العالم فيا بختكم يا من تعيشون على ترابها ولنا الله يا من نعيش بعيداً عنها .. كل سنةوانتى طيبة
كل سنة وانتى طيبة وربنا يكرمك فى رمضان ودا اخر رمضان فى الدراسة
وبعد كده هتاخدى كام سنة فى رمضان براحتك بقه من غير الكلام دا بتاع الدراسة دا
بعد السلام والتحيه
نجاوب ع السؤالين الاجبارين
السؤال الاول
لا طبعا معنتش بحس برمضان زى زمااااااااااان
السؤال التانى
هانبداء بالسحور بتسحر وانزل اصلى الفجر فى المسجد واطلع اناااام مش بروح كليه انا اصلا مش بروخح الا ع الامتحانات
اصحى بدرى شويه قبل الفطار اقراء قران شويه انزل نلعب كوره قبل الفطار ساعات واتشعبط فى اى مكروباص او تاكسى وروح اتفرج شويه على البنى ادمين اللى بيتشعبطوا برده وانا عمال اتفرج
عليهم من البلطونه
وبعدين افطر وما احلى الفطار والله مش عشان بكون صايم لا الفطار فى رمضان له طعم تانى وسط الاهل واللمه والعيله بيبقه جو جميل
وبعدين بقعد شويه كده واتفرج على اى حاجه وانزل اقعد مع اصحابى شويه وساعات نتصحر برهبتبقه برده حلو واجى اصلى واناااااااااااااام
بس فى اخر عشر ايام الموضوع بيبقه جميل جدا وبحس فعلا بقه برمضاااااااااااااان اللى وحشنىوالايام دى من السنه اللى فاتت
هابداء هنا بقه من بعد الفطار
بنفطر وننزل نقعد شويه مع الاصحاب ونيجى على وقت صلاه التهجد نصلى التهجد وطبعا مابيبقاش وقت بين الصلاه والصحور فبناخد عربيه اى واحد من اصحابنا ونطلع جرى على اى مطعم نتصحر ونرجع جرى بالعربيه تانى للمسجد اللى بنصلى فيه الفجر وبعد كده نسلم على بعض والكل يروح ينااااااااااااااام
يااااااااااااااه رمضان بحبه جدااااااا
كل سنه وانتى طيبه يا سحر
ورمضان كريم
كل سنة وانتى طيبة
انا يومى فى رمضان صوم وصلاة وقراية قران
وبعد كدة حلة ترفية.
لكن رمضان فعلاا ما بقاش زى مان وانا صغير مش عارف لية
يمكن بيكون احلى فى عيون الاطفال
تحياتى
rmdan karem
اولا شكرا ليكى انك عرفتينى طريق البلوج دا ومعذره لتاخر زيارتى بس كونت مسافر
بالنسبه للاسئله
اجابتك قريبه اوى من كل رمضاناتى اللى فاتت بس رمضان اللى فات قضيته كله فى الشركه اللى كنت شغال فيها وكنت بافطر مع زمايلى اما رمضان اللى جى فاقضى معظمه فى الشغل الجديد فى البحر وغالبا يا هبقى شغال بالنهار يا هبقى شغال بالليل يعنى يا صايم يا نايم
اما السؤال التانى فرمضان مش زى زمان طبعا
بفكركم بفوازير رمضان
عباره عن خلق وصحابي
ولوحد مجاوبشي وفي أسئله فاتته ممكن يحلها في أي وقت بشرط كل فزوره يوميه إجابتها متتأخرشي عن عشر أيام
وخلو بالكو الفوز للأسبقيه في الحل
بعد السلام عليكم
أيه ياست سهر ،أنتي سبتي السهر و بقيتي تنامي بدري ولا أيه؟
عاملة أيه في الصيام
وفين بوستاتك الجامدة
عامة ياستي أنا حبيت اطمئن عليكي وأقولك كل سنة وأنتي طيبة
تحياتي
إرسال تعليق