كتير بيشدنا الحنين لأيام طفولتنا لأيام البراءة والعفوية
حاجات كتير أثرت فينا وكانت عامل في تكوين
وشخصيات من غيرها منقدرش نتصور حياتنا لأنها بالنسبة لنا زيها زي الطوابع بالظبط
وذكريات بحلوها ومرها بمكرها وبهبلها مش ممكن ابدا تتمحي من الذاكرة
شخصية من الشخصيات اللي مش ممكن اتصور طفولتي من غيرها أ / يسرا مدرسة العربي والحساب في اولى وتانية وتالتة ابتدائي بحبها اوي والايام دي بشوفها كتير بشوفها كل يوم في المسجد في صلاة التراويح والفجر وبحب اقف جنبها في الصلاة بمجرد اني اسمعها بتتكلم او اشوفها بفتكر 3 سنين من طفولتي وبتمنى بجد اني ارجع تاني
من المواقف اللذيذة اللي افتكرها
كنت في رابعة ابتدائي وواحد زميلنا في الفصل غاب علشان راسه اتفتحت واخد فيها كام غرزة المدرسة علينا طلبت مننا كلنا بنات واولاد اننا نروح نزوره في الفسحه ونطمن عليه
وبالفعل سمعنا الكلام وروحنا
الاولاد دخلوا لصاحبهم
البنات وقفنا برا قصاد باب الشقه ومش عاوزين ندخل ( ومن غير ليه انا معرفش كنا مكسوفين ولا ايه بقى ) المهم مدخلناش
بعد الفسحه
واحنا في الحصة الاولاد راحوا حكوا للمدرسة كل حاجة وان البنات وقفوا برا وعملوا ازعاج جامد وكده
وكان العقاب والتبييخ
ومرة واحده اتلقينا اخ زميل فاضل وقف وقال لا كله الا سهر ... كل البنات وقفوا على الباب ومدخلوش الا سهر
انا بقى لغاية انهارده نفسي أعرف مين اللي زقني وانا واقفة على الباب ودخلني جوه
كل اللي افتكره
انا واقفه في امان الله مع البنات فجأه اتلقيت نفسي جوه الشقه فيه حد من ورايا زقني لجوه جيت اخرج الاولاد وقفوا على الباب ومعرفتش اخرج منهم
بس الحمد لله فلت من التوبيخ والعقاب
والف شكر للأخ الزميل الفاضل اللي انقذني من العقاب
من المواقف برده اللي عمري ما هنساه
كنت راجعة من المدرسة في يوم في امان الله لا ليا ولا عليا وكان ماشي ورايا ولدين اكبر مني بكتير اتخنقوا مع بعض وهما ماشيين
طبعا انا في حالي وماليش دعوى
فجأه اتلقيت واحد منهم بيزقني عشان اوسع له الطريق ( الشارع ضاق في وشه وملقاش غير المكان جنب الحيطة اللي انا ماشية فيه ) د
كان رد فعلي سريع
قلتله : بس ياحمار
قالي : مين الحمار
أنا : اللي على رأسه بطحـ... ة ......
رد فعله كان أسرع
قلم نزل على وشي
بس ماشاء الله كان قلم قلم مكنش عاوز توصية
خدت القلم ومش فاكرة الواد دا عمل ايه بعد كده
المهم
انا روحت بيتنا
والأهم
اني معيطش من القلم
حاجات كتير أثرت فينا وكانت عامل في تكوين
وشخصيات من غيرها منقدرش نتصور حياتنا لأنها بالنسبة لنا زيها زي الطوابع بالظبط
وذكريات بحلوها ومرها بمكرها وبهبلها مش ممكن ابدا تتمحي من الذاكرة
شخصية من الشخصيات اللي مش ممكن اتصور طفولتي من غيرها أ / يسرا مدرسة العربي والحساب في اولى وتانية وتالتة ابتدائي بحبها اوي والايام دي بشوفها كتير بشوفها كل يوم في المسجد في صلاة التراويح والفجر وبحب اقف جنبها في الصلاة بمجرد اني اسمعها بتتكلم او اشوفها بفتكر 3 سنين من طفولتي وبتمنى بجد اني ارجع تاني
من المواقف اللذيذة اللي افتكرها
كنت في رابعة ابتدائي وواحد زميلنا في الفصل غاب علشان راسه اتفتحت واخد فيها كام غرزة المدرسة علينا طلبت مننا كلنا بنات واولاد اننا نروح نزوره في الفسحه ونطمن عليه
وبالفعل سمعنا الكلام وروحنا
الاولاد دخلوا لصاحبهم
البنات وقفنا برا قصاد باب الشقه ومش عاوزين ندخل ( ومن غير ليه انا معرفش كنا مكسوفين ولا ايه بقى ) المهم مدخلناش
بعد الفسحه
واحنا في الحصة الاولاد راحوا حكوا للمدرسة كل حاجة وان البنات وقفوا برا وعملوا ازعاج جامد وكده
وكان العقاب والتبييخ
ومرة واحده اتلقينا اخ زميل فاضل وقف وقال لا كله الا سهر ... كل البنات وقفوا على الباب ومدخلوش الا سهر
انا بقى لغاية انهارده نفسي أعرف مين اللي زقني وانا واقفة على الباب ودخلني جوه
كل اللي افتكره
انا واقفه في امان الله مع البنات فجأه اتلقيت نفسي جوه الشقه فيه حد من ورايا زقني لجوه جيت اخرج الاولاد وقفوا على الباب ومعرفتش اخرج منهم
بس الحمد لله فلت من التوبيخ والعقاب
والف شكر للأخ الزميل الفاضل اللي انقذني من العقاب
من المواقف برده اللي عمري ما هنساه
كنت راجعة من المدرسة في يوم في امان الله لا ليا ولا عليا وكان ماشي ورايا ولدين اكبر مني بكتير اتخنقوا مع بعض وهما ماشيين
طبعا انا في حالي وماليش دعوى
فجأه اتلقيت واحد منهم بيزقني عشان اوسع له الطريق ( الشارع ضاق في وشه وملقاش غير المكان جنب الحيطة اللي انا ماشية فيه ) د
كان رد فعلي سريع
قلتله : بس ياحمار
قالي : مين الحمار
أنا : اللي على رأسه بطحـ... ة ......
رد فعله كان أسرع
قلم نزل على وشي
بس ماشاء الله كان قلم قلم مكنش عاوز توصية
خدت القلم ومش فاكرة الواد دا عمل ايه بعد كده
المهم
انا روحت بيتنا
والأهم
اني معيطش من القلم
هناك ٦٩ تعليقًا:
يانهار ابيض يا سهر
تسيبي الواد يضربك بالقلم ومتعمليش حاجة
ده انتي باين عليكي طيبه اوي
هههههههههههه
ولا تلاقيكو كنتو ف رمضان ومحبيتيش تفطري عليه
بجد والله الايام دي فعلا الواحد عمره ما ينساها ابدا
حياتنا اتشكلت واتكونت من خلال الناس اللي اثرت فينا في الفترة دي فعلا
تحيتي ليكي على الكلمات اللي رجعتني لعشر سنين فاتو
بس بردو انا لو اختي حد ضربها بالقلم ان شاء الله يكون مين
مسيبهوش ابدا حتى لو كانت غلطت هي في الاول
مينفعش ابدا انه يضربها بالقلم
ده انا كنت بهدلته
هههههههههه
بس يالا بقى الطيب احسن وانا بهدي النفوس بس
:D
آلام وآمال
واضح جدا انك بتهدي النفوس خصوصا اننا في رمضان كمان
وبالنسبة للواد دا انا مكنتش اعرف اعمله اي حاجة .يعني لمجرد اني قلتله ياحمار ضربني بالقلم وخد بالك انا كنت لسه في الابتدائي يعني كل اللي المفروض اعمله اني اقعد اعيط
ويابخت اختك بيك انا بقى ماليش اخوات ولاد اجري عليهم يخدولي حقي حتى لو ليا انا معرفش شكل الواد دا ايه
وعلى فكرة حكاية القلم دي اول مرة احكي عليها هنا في المدونه
عجبنى اسلوبك اوى لما بتتكلمى عن زكريات المدرسة
بس ضحكت اوى لما الواد ضربك ههههههههه
انا بقى مرة كنت فى الشتا وماسية انا واخويا الصغير وقام واد رخم بيشوط الطينة فى الشارع علينا لما غرقنا طينة ههههههههه
وقعدت اعيط كتير اوى ومخدتش حقى عادى يعنى
اسلوبك حلو لما اتكلمتى على زكرياتك
ضحكتينى اوى لما قولتى ان الواد ضربك هههههههه
معلش معلش
حصلت معانا حاجات زى دى كتير
يااااااااااااه قلم مره واحده طيب كان رصاص ولا حبر :d
بجد انتي كل مره بتفاجئيني باختيارك للمواضيع الجديده بتاعتك
بس غريبه يعني ان البنات ينضربوا والاولاد يتباسوا
أناا بقي حصللي موقف وانا في اولي اعدادي كانت اول سنه ليا في المعهد الاعدادي وكان بابا معرفني طريق مختصر بروح منه عشان المعهد كان قريب من البيت
المهم وانا مروح في يوم من الايام من المعهد وماشي في الطريق المختصر ده كان في سوق هناك قبل ما اوصل بيبقي في حته خلا كده فالمره دي وانا مروح وماشي في أمانة الله لقيت راجل كبير كده معدي من جنبي لقيته قام مثبتني في مكاني وانا زي التنبل وقفت مش عارف دا خوف ولا عدم استيعاب للموقف
المهم كنت صغير بقي وبعد الراجل ده ما وقفني لقيته قام موطي عليا وباسني في خدي ومشي انا بقي طبعا كنت في حاله ذهول فكملت مشي وأول ما الراجل الكبير ده بعد عني فضلت أعيط :d
مش عارف بقي انا عيطت عشان باسني من غير ما يستأذن ولا عشان ايه بالظبط وفي اليوم ده روحت حكيت لماما علي الحوار ده ضحكت وانا اتغظت أوي عشان ضحكت عليا أصل انا قولتلها اني عيطت :d
بس الوقتي عرفت الراجل ده باسني ليه
وبعدين اضربتي بالألم ومعيطتيش خالص دا انتي قلبك جامد دا انا بقي علي كده خيخه لما واحد يبوسني واعيط :d
يللا ناس ليها أقلام وناس ليها قبلات :d
كل سنه وأنتي طيبه
وتنسي الألم ده
اه فعلا
الزكريات شئ جميل ... و كمان اى انسان من غير زكريا يبقى زى صفحة بيضة فى كشكول كبير ملوش لازمة
تحياتى
تمر حنة
على فكرة نزلت بوست جديد ابقى تعالى بقى
فى علم الصحافة
بيقولوا
احسن موضوع ممكن تكتبه
هو اللى
بتتكلم فيه عن نفسك
*******
وانتى نجحتى
فى دا لحد كبير
ياسهر
*******
بس عشان خاطرى
بلاش الاخوة المدونين
يسخنوكى
على الولد اللى ضربك بالقلم
لانى انا نفسي زمان
وانا صغير
كنت كل ما اتخانق مع بنت
اضربها بالقلم
واضح انى كنت متاثر
بالافلام
اللى بتبين ان قمة رجوله الرجل لما يضرب البنت بالالم
الحمد لله
انا دلوقتى هادى
جدا
ومحبوب
من اغلب الناس
وبالتحديد البنات
*********
قلبتى شريط
الذكريات
يا بنت الاية
يا سهر
حلوه قوى ذكريات الانسان هى الى بيفضل ليه بعد غدر الاحباب وهجر الصحاب
بالنسبه للقلم تعيشى ولا تاخدى غيرو ان شاء الله
ههههههههههههه
بجد ضحكني قوي الموقف الآخراني دا
يعني انتي شايفاهم بيتخانقوا ومتعصبين اصلا يا سهورة..تروحي قايلة له يا حمار كماااااان؟
يلا معلش بقى..علقة تفوت ولا حد يموت
بجد أحلى حاجة هى ذكرياتنا البريئة العفوية دي
بتبقى جزء من ارواحنا فعلا
كل سنة وانتي طيبة يا قمر
:)
انا برضه زيك كدا كانت ابله سمية المدرسة بتاعتى كانت بتديلنا عربى ودين
برضه من اولى لتالته وكنت بشوفها كل يوم لحد فترة قريبة جدا لانهم كانوا جيرانا بس نقلوا فى مكان تانى ومن قريب اوى ابنها الصغير حصلت له حادثه وتوفى الله يرحمه من بعدها مشوفتهاش .. بس بطمن عليها من بعيد ..
المهم بقا ازاى تخلى الولد يضربك كدا وتسكتى ده لو انا كنت مسكت طوبه وفتحت له بيها دماغه
دلا يا سهور مش ينفع كدا
انتى تروحى تشوفى الولد ده فين وتاخدى حقك منه ماليش دعوة
كل سنة وانتى طيبة يا قمر
البنت الشلبية
بقى انا اضرب وانتي تضحكي؟
طيب اضحكي بصوت واطي وبالراحه
فكرتيني بموقف حصلي قريب كنت على البحر مع صحابي وجيت اقعد على الكرسي الكرسي اتقفل واتلقيت نفسي بتهبد على الارض وواحده ست تحت الشمسية جنبي قعدت تضحك بصوت عالي كان نفسي اقوم واقولها اضحكي بس بصوت واطي
بس يلا كله يهون عشان ضحكتك
aboelmelook
القلم مكنش لا رصاص ولا جاف ونتمنى بكل صدق تجربه عشان تعرفه
الراجل كان باسك ليه؟
وانت تعيط ليه اصلا من بوسه امال لو كان قلم محترم كنت عملت ايه؟
تمر حنة
ما هي الذكريات دي هي اللي باقيه لنا
انا في اعتقادي انها تاريخنا
منوراني كل سنة مرة
انا رايحه علطول
كل سنة وانت طيب
حازم ربيع
شكرا ليك جداااا
مع اني اعتقد انك علقت على الموضوع دا غلط
يبقى ماضيك مليان بضربك للبنات بالاقلام وتيجي تحكي؟
طيب راعي مشاعر واحده لسه بتفتكر نفسها وهي بتضرب بالقلم
عموما سماح المرة دي
منورني علطول
رئيس جمهورية نفسي
اهلا بيك
الذكريات دي هي تاريخ كل انسان
وشكرا على الدعوة الجميلة
dr.Roufy
انتي كمان بتضحكي بصوت عالي
اضحكي بصوت واطي
وبعدين انتي عاوزاني يزقني واسكتله؟
لسه ما اتخلقش اللي يزقني واسكتله
نورتني والله
كل سنة وانتي طيبة
Desert cat
البقاء لله
سخني سخنيني كمان سخني
تعرفي انا لوكنت اعرف الواد دا شكله ايه
والله ما كنت سبته
كنت رحت دورت عليه وجبته ليكم
تخدولوي حقي
نورتيني
كل سنة وانتي طيبة
هههههههه
لذيذة اوى المواقف الطفولية دى
ذكرتينى بمدرسين الابتدائى
مازلت اكن لهم كل حب واحترام
وفى الموقف الاخير ده
انا كنت هعمل زيك
بس كنت بعدها هبهدله ولو طلت اضربه كنت هعمل كده
انتى عارفة انا مرة مدرس وانا فى اولى اعدادى ضربنى بالقلم ده القلم الوحيد تقريبا الى انضربتة فى حياتى انا بقى فاكر المدرس ده كويس وكل ماشوفة فى الشارع ببقى عايز ...........اقتلة اه والله مبنساش الراجل ده ابداتصدقى فكرتينى بية
يالا كل سنة وانتى طيبة
مين هو إللى ضربك قولى بس وبعدين مبن إللى زقك شكلك كنت ملطشه
متزعليش أنا كنت بهزر معاكى وبعدين مفيش فى ذكرياتك إنك ضربت حد الواحد بينسي أى حاجه هو انضرب فيها
وبعدين لو لسه زعلانه قولى وانا أضرب إللى ضربك وزقك كمان
السلام عليكم
فعلا الواحد لما بفتكر حاجات من زمان او حتي من قريب ممكن تكون الحاجات ديه كويسة وبضحك وممكن تحزن
بس الانسان ساعات كتيرة بيحب يعيش في الذكريات
و اللة
انا شايف انها ذكريات مؤلمة
خاااااااالص
الواد يضربك بالقلم وانت ساكتة كدة
ممممممم
مش عارف اقوللك اية
والله زكريات الطفولة دي حاجة ماتتعوضش
ياريتها ترجع شوية
انا في حاجات فاكرها كانها امبارح
بس الايام بتجري بسرعة
ياخبر قلم؟؟؟؟؟
ايه الواد الجريء ده
فكرتيني بقلم برده بس أنا اللي اديته لولد كان بيعاكسني في الشارع كنت صغيرة ممكن خامسة ابتدائي ولا حاجة بس كان قارفني روحت ملفوتة واديته قلم ومشيت
بس كان قلم؟؟؟ظ
انما قلم برده
تحياتي ع الذكريات الجميلة دي
صحيح يا سهر
وعلر راى روفى انت شايفاهم بيتخانقوا ومتعصبين تقومى تشتميه
القصد
بالذات مرحلة الابتدائى دى ليها معزة خاصة فى قلب الوحد
وبعدين فيها ايه لما تدخلى تزورى زميلك المريض
ده حتى موقف كله انسانيةو شهامة
وعيدك مبارك
والسلام يا ست الكل
WiLdBiRd
اهلا بيكي
منورة المدونه
انا كمان والله لو كنت اعرف اطوله كنت قتلته
mo7amed mamdo7
قلم واحد بس؟
طيب انا اعرف ناس كل لما تيجي تحجز في خناقه تأخد قلم ببلاش
شايف الناس
مش انت
قلم واحد بس
سى السيد
شكلي كان طيب
والله زقني هو اللي ضربني ياسي السيد
انا والله طيبة مش بضرب حد
اه نسيت اقولك عندي دكتور بيديني في الكلية بيكره الزمالك موووووت حتى بقى بيكره اللون الابيض
son's egypt
عندك حق
ذكريات بقى
منورني والله
كل سنة وانت طيب
كفراوي
عاش من شافك
لا اطمئن مش مؤلمة ولا حاجة
شكر الله سعيكم
منورني والله
كل سنة وانت طيب
el_assel
اه والايام بتجري
عندك حق والله
نورت المدونه
كل سنةوانت طيب
fanan fa2eer
اول زيارة ليكي للمدونته شرفتيها والله
اهلا بيكي
ايوة ياستي ناس بتتضرب وناس بتضرب
لينا ربنا
بس بعد ما ضربتي والولد دا عمل ايه ؟
يارب ماتكونش دي الاولى والاخيرة
كل سنة وانتي طيبة
أبو سويلم
ايه ياعم عاش من شافك
كده تطل علينا مرة وتحرمنا منك بعد كده
يعني انت كنت عاوزه يزقني وانا اسكتله؟
مكنش فيها حاجة لما ندخل نزور زميلنا المريض بس مدخلناش ومعرفش ليه
منور المدونه
كل سنة وانت طيب
تعيشى وتفتكرى يا قمر
هيا الحياة كده
كل يوم بيعدى بيبقى ذكرى
واحلى حاجة لما تفتكريها
خدى هنا
الواد اللى طلع شهم دا واعترف انك كنت معاهم مش يمك هوا اللى زقك؟؟؟
مين عارف
بس انا مستغربة ازاى تسيبى الواد اللى ضربك بالقلم
اداكى قلم كنتى اديله اتنين
ههههه
مدونتك شكلها الجديد جميل اوى
بجد انتى زى العسل انتى ومدونتك
كل سنة وانت طيبة
تحياتى
:)
انا مكنتش بحب اتدائى ده خالص كله ذكريات وحشة ومش بحبه خالص
بس يعيينى ولد ضربك
انا نفسي بقي انا اللى اضرب حد بالقلم
وسورى بقالى كتير مدخلتش عندك اصلك كنت عاملة المسابقات الرمضانية وانا ماليش فيها
يالا سلام
يا مدرسة
يام العيون متهندسة
فيكى انا تلميذ وغاوى فرفشة
بلبس هدومى بهندسة
وفى الطابور
واقف انا
واقف بقول
محلى صباح الفرفشة
محلى المشاكل
ومحلى الدردشة
على سورك انتى يا مدرسة
هاكملها
وارجع
بس عاوز اقولك انى
منى الناس اللى بيعشقوا الهروب مالمدرسة
واليوم اللى كنت ادخل فية المدرسة
كان بيبقى يوم انقلاب فيها
حلوه ذكريات الطفوله دي اللي فاكرنها واللي أهالينا بيحكولنا عليها
...بس كله كوم والقلم ده كوم تاني
انا لو منك كنت فتحت السارينه اللي هيه الجاعوره يعني : على العاشر ولميت عليه أمة لا اله الا الله
انا فهمت انك سعيدة لما أفتكرتى ميس يسرا
بس مش فاهم انتى سعيدة بالقلم ولا لا
ايه دا كله
بقى تضربى وتسكتى
لا والله جدعة
بس اقوللك اعتبرينا كلنا اخواتك وقولى لنا على ابن 0000000 اللى ضربك
سلام
وكل سنة وانت طيبة
قالك وسعى وسعى وخلاص
على فكرة اسلوبك حلو قوى
Oi, achei seu blog pelo google está bem interessante gostei desse post. Gostaria de falar sobre o CresceNet. O CresceNet é um provedor de internet discada que remunera seus usuários pelo tempo conectado. Exatamente isso que você leu, estão pagando para você conectar. O provedor paga 20 centavos por hora de conexão discada com ligação local para mais de 2100 cidades do Brasil. O CresceNet tem um acelerador de conexão, que deixa sua conexão até 10 vezes mais rápida. Quem utiliza banda larga pode lucrar também, basta se cadastrar no CresceNet e quando for dormir conectar por discada, é possível pagar a ADSL só com o dinheiro da discada. Nos horários de minuto único o gasto com telefone é mínimo e a remuneração do CresceNet generosa. Se você quiser linkar o Cresce.Net(www.provedorcrescenet.com) no seu blog eu ficaria agradecido, até mais e sucesso. (If he will be possible add the CresceNet(www.provedorcrescenet.com) in your blogroll I thankful, bye friend).
بعد السلام عليكم
أولا ياسهر عايز اعتذرلك عن تأخيري ده .. وأسلم عليكي
أزيك ياست سهر يا مسئصداني ؟ عاملة أيه؟
نفسي أعرف أنتي مستئصداني ليه؟
هوه أنا يابنتي كنت بأكل منك سندوتشات المربي بالقشطة بتاعت المدرسة مثلا ولا ايه يعني
عامة ياستي لو فعلا مستئصداني و بتنقري فيا من باب المّعزة زي ماأنتي قولتي .. فناقري فيا لحد الصبح .. ولا يكون عندك فكرة
اعلق بقي علي البوست الجميل ده
احلي ذكريات فعلا بتبقي ذكريات الطفولة
وبعدين أنا كنت بأستغرب من حكاية المدرسين دول .. هما نابغة ولا أيه
يدوا عربي ماشي حساب طيب انجليزي ممكن
مش عارف ليه في مراحلنا الدراسية كلها .. مبيعلمش معانا أوي غير مدرسين ابتدائي
يمكن عشان بنتلقي منهم أولي الجدران و الأسقف في بناء الشخصية
الموقف الأول
أنتي المفروض تشكري الشخصى اللي زقك ده .. لأنه ذقك علي الخير يعني و نقذك من العقاب
أما الموقف التاني
ففطسني من الضحك .. وبيني و بينك فرحت فيكي فرح .. أهوه بأردلك حاجة بسيطة من جمايلك
بقي الواد يضربك .. وأنتي ساكتة
بقي الواد يضربك .. وما تقوليلوش الله يسامحك حتي
شكل القلم خدرك ولا أيه .. هوه صحيح كان قلم حكومة ولا لأ؟
وعامة لو الواد ده ادامنا دلوقتي .. هنخليه يندم انه ضربك بغطا القلم مش القلم كمان
تحياتي ليكي و لذكرياتك المضروبة بالقلم
وكل سنة وأنتي طيبة و بألف صحة و سلامة وأسرتك كلها بخير
بالفعل كتير بتعود بنا الذاكرة للوراء ونتمنى ان نعود ونقتبس منها .... بس ضحكت وانا بتخيل موقف الواد دا اصل هوه مش ناقص يعني بيتشاكل وفي عز غضبه تقولي ليه يا حمار اكيد كان مضروب فعمل نوع من الاحلال والتبديل وانتقم منك في صورة اللي ضربه هههههههههههههههههههه
يلا معلش
بوست جميل
خالص التحية
حدوته
ايوة كل حاجة بتصبح ذكرى
حتى احنا بكره هنبقى ذكرى
لا زميلي اللي طلع شهم واعترف ان كنت معاهم مش هو اللي زقني
ايوة هو يديني قلم وانا اديله اتنين هو يديني اربعه وانا اديله 8
ايه ياحدوته هو انا كنت قده
كل سنة وانت طيبة
وعيد سعيد
كل عام وانتم طيبين بمناسبة عيد الفطر المبارك وانشاء الله نصلي صلاة العيد الجاى في المسجد الاقصي وتكون القدس متحرره
تحياتى لكل عظيم وعظيمه
بعد السلام
كل سنة وانتى طيبة
بمناسبة عيد الفطر المبارك
اعاده الله علينا بالخير
واليمن والبركات
كل سنه وحضرتك طيبه
عيد سعيد عليكم وعلى الاسرة
ورزقكم الله القبول اللهم امين
ياسمين
على فكرة هي مش حكاية حب او كره للابتدائي احنا اللي كنا عيال هابلة مش عارفين ولا فاهمين حاجة
خلاص معدش عندنا مسابقات هانستناك بقى علطول
وانا كمان والله نفسي اضرب اي ولد اشوفه
كل سنة وانتي طيبة
كل عام وأنت بخير
بوست رائع
تحياتى
:)
كل سنـة وانتي طيبة
وعـــيد سعيـــد
واحد مش فاهم حاجة
ايه الشعر الحلو دا
اوك هاستناك تاني
بس ازاي وصلت للكلية وانت بتهرب من المدرسة ؟
أوشــــــه
اهلا بيكي
هو المفروض كنت اعيط بس مااعيطش الحمد لله
كل سنة وانتي طيبة
عيد سعيد
ahmEd_H
اهلا بيك في المدونه
لا طبعا مكنتش سعيدة بالقلم
بس اهي ذكريات
منور المدونه
كل سنة وانت طيب
عيد سعيد
السندباد المصرى
اه والله ما عملتله حاجة
كنت مسالمة اوي
ربنا يخليك والله لو اعرفه ما كنت سبته انا
كل سنة وانت طيب
عيد سعيد
mohamed
لا هو مكنتش بيتكلم ببقه
كانت بيتكلم بحاجة تانية بايديه
شكرا جدا ليك
كل سنة وانت طيب
عيد سعيد
CresceNet
والله ما انا فاهمه حاجة خالص
عموما اهلا بيك
ابو صلاح
ابو عيون حلوة عندنا يامرحبا يامرحبا
على فكرة انا مش بحب سندوتشات المربى خالص لا بقشطة ولا من غير قشطة
شكلك كده كنت خبير في اكل سندوتشات المربى بالقشطة بتاعة زمايلك في الفصل والمدرسة كلها
ايه بتحبها للدرجه دي ؟ ولا بتكون جعان ومش معاك سندوتشات ؟ ايه حكاية المربى بالقشطة دي معاك؟
المهم انا معاك في ان مدرسين الابتدائي هما أولي الجدران و الأسقف في بناء الشخصية
ياه بقى القلم يفطسك من الضحك الله يسامحك انت بس عامة فرحك فيا مش هيجي حاجة جنب فرحي فيك في يوم ولا عالبال دا
مردوده ان شاء الله
شكرا ليك انا لو كنت اعرف الواد دا كنت جبتهولك بس للاسف معرفش شكله ايه اصلا
كل سنة وانت طيب
وعيد سعيد
ياابو صلاح ياابو عيون حلوة
osama
اهلا بيك في المدونه
انتي كمان بتضحك بصوت عالي
طيب اضحك بصوت واطي
عموما انا مكنتش هاسكتله لما يزقني
ومكنتش اتوقع خالص انه يضربني بالقلم هو كان مفاجأه عشان كده مااتكلمتش او ممكن اكون خفت من قلم تاني او حاجة عشان كده سكت
والله ما اعرف سكت ليه
كل سنة وانت طيب
عيد سعيد
nourhetler
كل سنة وانت طيب
وان شاء الله نصلي كلنا مع بعض في الاقصى
ان شاء الله
عيد سعيد
بتاع العسل
كل سنة وانت طيب
عيد سعيد
رفقة عمر
كل سنة وانتي طيبة
اهلا بيكي في المدونه نورتيها
عيد سعيد عليكي
carol 2002
اهلا بيك في المدونه
كل سنة وانتي طيبة
عيد سعيد عليكي
el_assel
كل سنة وانت طيب
عيد سعيد عليك
سلام الله عليكي يا سهر
نعممممم ازاي الغبي ده يضربك ب القلم
ازاي يعم حلاكة زي دي
والله دايقتيني بجد
حسيت اني عايزة اضربه
هههههههههه تصدقي الواحد و هوه قاعد كده افتكر حجات كتيير بتاعة ايام زمان
يالله كل سنه و انتي طيبه يا قمر
تحياتي
.
زيــزي
السلام عليكم
أولا كل سنة و أنت طيبة
يارب تكوني ممن فازوا برمضان
أنا كمان عمري ما هأنسي مدرستي بس كان أسمها أبلة هانم أنا كنت بكرهها جدا جدا بس عرفت قيمتها بعدين بس للأسف مش عارف أتصل بها خالص
ربنا يكرمها
بمناسبة الولد ده
ربنا يسامحه
:)
أنا كنت فاكر أسمك سحر بس طلع سهر
خير
كل سنة و أنت طيبة
و شكرا لك
السلام عليكم
ازيك ياسهر ياقمر
انتى عارفة هو فعلا فيه مواقف لا يمكن تتنسي ابدااااحاجات بتركز فى الدماغ
ومبتطلعش ابداااا
وبتكون من احسن المواقف اللى الواحد بيتعرض لها
كل سنة وانتى طيبة وبخير وعيد سعيد عليكى وعلينا وعلى الامة الاسلامية كلها
اللهم آآآآميين
عيد فطر سعيد ياجميل
صديقتي العزيزه سهر
مررت لاقول كل عام وانتي بألف خير
ولي عوده للتعليق على الذكريات
عيد سعيد
ياريت كان ينفع ارجع تاني احط في شعري فيونكات
والعب واضحك بصوت عالي
خلتيني افتكر مواقف من طفولتي انا كمان
بس لكل مرحلة مزاياها
واكيد بكرة كمان هفتكر النهاردة
تحياتي ليكي
وكل سنة وانتي وكل الي بتحبيهم بالف خير
عزيزتى
ذكريات الطفوله دى اجمل شئ حتى غلطها غلطات بريئه مفهاش خبث وسيئئات كبيرة زى غلطات دلوقتى
بس صحيح ازاى ما ردتيش على القلم كان الشارع فاضى ولا انتى مش جريئه ولا علشان انتى اللى شتمتيه وقولتى يا حمار
كل سنة وانتى طيبه وعيد سعيد
سلام يا قمر
إرسال تعليق