كنت بقلب في الجرنان وقعدت عينا على الصورة دي . مش عارفه أتلقيت نفسي مركزة أوي في الصورة دي في عينين الطفلة دي
يااااااااااه منين القوة دي اللي تخليها تقعد جنب باباها بالطريقة دي
كان نفسي أعرف هي في اللحظة دي بتفكر في إيه ؟ إيه اللي في دماغها ؟؟؟ يا ترى كانت بتفكر في امبارح لما كان باباها معاها بيتكلم معاها وبيعلب معاها لما كان واخدها في حضنه ومحسسها بالامان بتفكر في لما تصحى هتقول صباح الخير يابابا لمين ولما تنام هتقول تصبح على خير يا بابا لمين ؟ بتفكر في كلمة بابا هتقولها دي أزاي؟ بتفكر في لمتهم زمان على الفطار في رمضان ؟ بتفكر في العيد لما يجي هيجي بأي فرحة ولبس العيد والعيديه
ولا يا ترى كانت بتفكر في بكرة هيجي بأي ملامح هيجي بالأمان أزاي ؟ لما تلاقي كل مكان في بيتها ذكرى لباباها وعماله تناديه هتعيش بين الذكريات دي أزاي؟ لما يوحشها وعاوزة تشوفه مين هيجيبه لها؟
ولا إيه بقى ؟ ممكن تكون بتكلمه مع نفسها ومفيش حد سامعاها غيره بتناديه يقوم يكلمها ويرد عليها ممكن تكون بتحلفه بحياتها يقوم ويصحى ويعرف الناس أنهم كذابين وهو لسه عايش ؟ ممكن تكون بتفكره ببكرة عمره ما هيبقى زي امبارح من غيره ؟؟؟
بتفكر في إيه يا ترى؟
حسبي الله ونعم الوكيل
حسبي الله ونعم الوكيل
حسبي الله ونعم الوكيل
هناك تعليقان (٢):
.
تنظرهذه فتاة الى ايام سابقة
بخطوات بطيئة
سارتْ بطرقات المدينة
بعيونها الحزينة
صرختْ أبي
بالأمس كنتَ هنا
.
.
لمستْ الجدران
بالقرب من باب الدار
بشفتاها الوردية
همستْ أبي ...
كم من مرة مررتَ من هنا
.
.
قطفتْ زهورها البنفسجية
وحدثتْ أشجار الخوخ
والزيتون والرمان
تركنا اليوم
الغالي الحبيب
.
.
ركعتْ عند عين الماء
مسحتْ بيدها الصغيرة
بعض الرذاذ
قالت أبي ...
هنا كنتَ تجلس
كلما عُدتَ من الجهاد
.
.ِ
بعذب الحنين
قبّلتْ تراب الأرِض
بكلمات مرتجفة
تمتمتْ أبي ...
ضممتني وقلتَ لي
يا مهجتي سأعود
.
.
سآلتْ على وجنتيها الجورية
دمعة مآسية
وحطت على ثوبها البسيط
.
.
رفعتْ وجهها للسماء
فعانق شعاع الشمس
بإبتسامة رهيبة
نادت أبي ...
اليوم أنت شهيد
.
.
صدى صوتها الرقيق
ملأ الزقاق
بإيقاع شامخ
تردد أبي ...
هنيئاً لك يا شهيد
.
.
نثرتْ زهورها
دخلتْ دارها
أغلقتْ بابها
وتركتْ في المكان
نوراً عجيب
.
.
.
.
كان الله فى عونها يا سهر
كلامك صعب اووووووي اوي بجد
إرسال تعليق