فيه أغنيه عجباني وبقالي تقريبا شهر وشويه معلقه معايا
هي أغنيه للمطرب أحمد سمير بعنوان إحساسك إيه
ااحساسك إيه
إحساسك إيه وأنت بتخدعنى بأحلامك
وأنت شايفنى بضيع قدامك
وأنت بتجرحنى بتكسرنى
وأنت بتخسرنى بأوهامك
قلبك كده من الأول خاين ولا أتعلم فيا
أصعب حاجه أنى أنا حبيتك وأنت بتلعب بيا
عشت سنين فكرك حبيتنى اتاريك منتاش ليا
أنا أسف أنى فضلت العمر ده كله معاك
أنا هخسر طول مانت حبيبي لان أنا مش جواك
أسف أنا حبيتك موت
أنا أهون على قلبي يموت
ولا أنى أعيش وأضيع جنبك
واسيب أيام عمري تفوت
إحساسك إيه
بحب أهدي الأغنية دي لأنسان معين بيحب يداوى جرحه بجرح غيره .. بيبيع الأوهام على إنها أحلام بيخلي غيره يحلم بيه ومعاه وفي الأخر بيكون دا مجرد وهم
ما علينا ..... لو أي حد عاوز يهدي الأغنية دي لأي حد عزيز عليه يشاركنا هنا
هناك ٩ تعليقات:
صعب مداوة جراحنا بجراح غيرنا فهذه مغضلة صعبة ان نعيش بسعادة وفرح على حساب غيرنا مجرد مشاعر تنتابنا حين نستمع الى اغنية تثير فينا المشاعر
مساكين هم من على هذه العادة
بصراحه المواضيع والشعر وكل حاجه انتي بتعمليها في المدونه بتمسني جدااااااااا
وبتبسط لما بلاقي حاجات زي دي علي المدونه وهتبسط اكتر لما تتروي اثناء كتابه هذه المواضيع منعا للاخطاء الاملائيه الطفيفه
وزي ما قولتلك قبل كده المدونه دي هتبقي ملهاش حل طالما انتي اللي عاملاها ... وكمان عشان انا مشترك فيها :d
الساحر الجميل شكرا ليك اوي وعاوزة اسألك سؤال اللي بيداوي جرحه بجرحنا خلاص هو داوى جرحه احنا بقى هنعمل ايه في جرحنا ندويه ازاي ؟
aboelmelook
شكراااا ليك اوووووي على النصيحه بتاعتك دي وهاحاول ان شاء الله اعمل بيه
وان شاء الله نردها لك كده في الافراح
الموقع جامد جدا ربنا يوفقك
أنا كنت وعدتك اني هكتب بيتين شعر ومكونتش أعرف انك بتردي علي كل التعليقات اللي بتوصلك من المشتركين
بس أنا بقي وفيت بوعدي واختلست بيتين شعر من ديوان من اللي عند أبويا من غير ما يعرف اسم الديوان ( النهر الظــامي ) هيا فيها كذا قصيده بس أنا اخترت بيتين كده علي مزاجي :d من قصيده اسمها < سيـرا نـادا > ...
يقول الشاعر عبدا الهادي النجار اللي هوا أبويـا :d
1- لم ألق مثلك مرفأ للحاثرين ... يا بسمه الأفلاك في ثغر القرون
2- أنا لست أدري يا فتاتي ما الذي ... تبغينه من لوعتي : لو ترحمين
3- خبأت سحرك رائعا وعواطفي ...
ظمأي لحسنك فأطربي كل الغصون
4- يا زورقي المرح الشراع ودفتي ...
في رحله الأوهام والهدر الخئون
* القصيده دي بتتكون من 16 بيت تقريبا أنا جبت اللي ربنا قدرني عليه
اصلها صعب اوي اني احفظها
وبصراحه أول مره اعرف ان أبويا موهوب :d
* ملحوظه : حقوق الطبع محفوظه للمؤلف . وأي خدمه ;)
فتاة المطر
نورتي المدونه وليها الشرف انك رديتي فيها
aboelmelook
شكرا ليك وبابيات الشعر دي
بس مش بايخه ان دي تبقى اول مرة تعرف ان باباك موهوب
بايخه اوووووووي
aboelmelook
انت ليه زعلان ومقهور من ردي انا والله مكنتش اقصد حاجة ومش اقصد اني ازعلك او اقهرك بعد الشر عليك من القهر
على العموم حقك عليك ماتزعلش
إرسال تعليق