يوميات

خرجت إتهارده مع صاحبتي كنا رايحين للدكتور خلصنا مشورنا دا وأتفرجنا على شوية محلات كده وأحنا راجعين أتلاقينا واحد شاب معاه عربيه اللي هيا خشب دي وبيبع عليها حاجات وبيبع صور ورق من اللي بتتحط على الحيط دي وقفنا نشتري الصور دي ومن كلامنا معاه عرفنا إنه مخلص كلية تجارة وطبعا مفيش شغل فقال اي شغلانه وخلاص أحسن من مفيش بجد أنا بحترمه وبحترم الشباب اللي زيه وأتعرف علينا عرف ان صحابتي في كلية الحقوق قالها يعني هتخلصي وهتيجي تقعدي معانا في الشارع .... طيب وأنا إيه ماليش مكان معاكم في الشارع عشان علوم يعني دا انا المفروض أبقى قبلكم يلا أحسن برده خليني قاعده في البيت جنب ماما اقشر بصل وبطاطس أهي حاجة تنفع برده
مش خسارة بجد شباب جامعي زي الفل زي دا ويبقى مكانه في الشارع بيبيع حاجات على عربيه متنقله زي دي مش شايف لنفسه مستقبل
المهم اشترينا منه 3 صور كبيرة وخدنا واحده صغيرة مجانية ووعدناه اننا نجيبله زبائن ونبقى نيجي أحنا كمان نشتري كل فترة كده او حتى نتفرج
عمار يامصر